पोखरा, २३ वैशाख । गण्डकी प्रदेशका मुख्यमन्त्री पृथ्वीसुव्वा गुरुङले विकास निर्माणका योजना समयमै सक्न सरकारले अनुगमन गर्ने र काममा ढिलाइ गर्ने व्यवसायीलाई कालोसूचीमा राख्ने बताएका छन्।
पोखराको हल्लनचोक घाँटीछिना सडक खण्ड अन्तर्गत पोखरा–२४ र २३ जोड्ने गरी खहरेखोलामाथि बन्ने पक्की पुल सोमबार शिलान्यास गर्दै मुख्यमन्त्री गुरुङले सो कुरा बताएका हुन्।
उनले यसअघि बनेको सरकारले खहरे खोला संरक्षण गर्न कुनै सरकारले पहल नगरेको र त्यसलाई पूरा गर्न प्रदेश सरकार आएको बताए।
उनले भने, “गाउँका जनताको जीवनस्तर सुर्धान सरकारले नमूना फार्म, तीन सय होमस्टे, मुख्यमन्त्री नमूना कृषि गाउँ कार्यक्रम ल्याएको छ, विकासको प्रतिफल सबैले पाउनुपर्दछ भन्नेमा सरकार छ। जाँगर, सीप र पौरख चलाउने हातलाई साथ दिन्छौँ। ”
गण्डकी प्रदेशका भौतिक पूर्वाधार विकास मन्त्री रामशरण बस्नेतले गाउँको विकास गर्नका लागि नै संघीयता ल्याएको बताउँदै गण्डकी प्रदेशलाई समृद्ध बनाइ छाड्ने अठोटका साथ प्रदेश सरकारले काम गरिरहेको बताए।
सो अवसरमा गण्डकी प्रदेश सदस्य राजीव पहारी, रामजी बराल, जिल्ला समन्वय समिति कास्कीका प्रमुख बैनबहादुर अधिकारी, पोखरा २३ का वडाध्यक्ष विष्णु पराजुली, पोखरा २४ का वडाध्यक्ष ओमप्रसाद सुवेदी लगायतले पुल निर्माणपछि स्थानीय र विदेशी पर्यटकलाई समेत टेवा पुग्ने बताए। प्रदेश सरकारको ६ करोड ७५ लाख लगानीमा पुल निर्माणको जिम्मा निलगिरी कन्स्ट्रक्सनले पाएको छ।
कुल ९०.७५ मिटर लामो पुलको निर्माण १५ महिनामा सक्ने लक्ष्य लिइएको छ। पुल ९ मिटर फराकिलो हुने छ। कास्की, पर्वत र स्याङ्जा संगमस्थलमा अवस्थित धार्मिक पर्यटनको क्षेत्र पञ्चासे पुग्ने सडकमा पक्की पुल बन्ने लागेको हो। खहरेखोलामा पुल नहुँदा वडा २३ का ठूलाखेत, चैनपुर, हपर्न, भदौरे तामाङ्गी र घाँटीछिनाका करीब १५ हजार नागरिक वर्षायाममा यातायात सुविधाबाट वञ्चित हुँदै आएका थिए।
पर्यटकीय गन्तव्यका रुपमा विकास भएको पञ्चासेसम्म पोखराबाट पुग्ने प्रमुख सो सडकको खहरेखोलामा पुल नहुँदा पर्यटकलाई गन्तव्यमा पुग्न लुम्लेबाट लामो र घुमाउँरो बाटो प्रयोग गर्नुपर्ने बाध्यता रहेकामा निर्माण पछि वर्षायाममा समेत सहज हुनेछ।
Related News
सम्बन्धित समाचार
गण्डकीमा सुरुङ मार्ग : काम हुँदैन, नीति कार्यक्रमबाट चर्चा बटुल्ने बाटो
गण्डकीको नीति तथा कार्यक्रम : सानो थैली, महत्वाकांक्षी कार्यक्रम
गण्डकी सरकारको नीति तथा कार्यक्रममा स्वास्थ्य र शिक्षालाई प्राथमिकता – हेर्नुहोस् पूर्ण पाठ
गण्डकीको नीति तथा कार्यक्रम आज
पोखराबाट कांग्रेस नेतृत्वलाई खबरदारी : पार्टीको चाल, चेहरा र चरित्र फेर्न रुपान्तरण अभियान
hero news full width
मुख्य समाचार
मुग्लिन पोखरा सडक विस्तार अन्तर्गत डुम्रे बजारका घर भत्काउन थालियो
१५ मुर्रा राँगाबाट १ लाख भैँसीमा नश्ल सुधार गरिने
जेठ २१, २०८०नागरिकतासम्बन्धी ऐन तत्काल कार्यान्वयन नगर्न आदेश
जेठ २१, २०८०भारत भ्रमण परिणाममुखी : प्रधानमन्त्री दाहाल
जेठ २१, २०८०ओलम्पियनहरु पोखरामा भेला
जेठ २०, २०८०मध्यपहाडी लोकमार्ग : याम्दी–हरिचोक खण्डमा धुलो हिलोको सास्ती
जेठ २०, २०८०