पोखरामा सुजुकीको सर्भिस सेन्टर शुभारम्भ

आदर्श समाज सम्वाददाता
वैशाख १९, २०७६
DSC_1266

पोखरा,१९ वैशाख । सुजुकी गाडीको आधिकारिक वितरक सिजी मोटोकर्पको गण्डकी तथा धवलागिरि आधिकारिक बिक्रेता बतास ब्रदर्स प्रा. लि. ले पोखरामा आधुनिक सर्भिस सेन्टर सञ्चालनमा ल्याएको छ ।

हालको सर्भिस सेन्टरको क्षमता बृद्धि गरेर करीब तीन करोड ५० लाख लगानीमा स्पेयर पार्टस् सहितको सर्भिस सेन्टर सञ्चालनमा ल्याइएको कम्पनीले जनाएको छ ।

पोखरा–९ नयाँबजारमा रहेको सो सर्भिस सेन्टरको सिजी मोटोकर्पका कार्यकारी निर्देशक करण चौधरी र बतास ब्रदर्सका प्रबन्ध निर्देशक शान्तराज बतासले बिहीवार एक कार्यक्रमकाबीच संयुक्त रुपमा उद्घाटन गरे ।
दशहजार स्क्वायर फिटमा फैलिएको सर्भिस सेन्टरमा आठ वटा काम गर्ने बे रहेको र मासिक एक हजार गाडी सर्भिसिङ्ग गर्न सक्ने क्षमता रहेको बताइन्छ ।

सुविधा सम्पन्न तथा अत्याधुनिक मेसिन तथा औजारहरुले सुसज्जित रहेको र २८ जना प्राविधिक कर्मचारीले सेवा दिने बतास ब्रदर्शका कार्यकारी निर्देशक प्रमेश पराजुलीले जानकारी दिए।

‘सर्भिस सेन्टरमा बडी मेन्टिनेन्स सप, पार्ट सप तथा इन्जिन मर्मत एरिया गरी छुट्टा छुट्टै शाखामा विभाजन गरिएको छ ।सुजुकी डाइग्नोस्टिक टुल्स तथा कम्प्युटराइज्ड सिस्टम द्वारा गाडीको चेक जाँच गर्दछौँ ।’ पराजुलीले भने ।

सुजुकीको विश्वव्यापी मापदण्डलाई पूर्ण रुपमा पालना गरी गाडीको सर्भिसिङ्ग गरिने र ग्राहकहरुको लागि सुसज्जित लाउन्जको व्यवस्था गरिएकाले ग्राहकले आफ्नो गाडी सर्भिसिङ्ग भइरहेको अवलोकन गर्न सक्ने व्यवस्था गरिएको सर्भिस डाईरेक्टर विनोज पोटेले बताए।

कार्यक्रममा सिजी मोटोकर्पका निर्देशक चौधरीले सुजुकीको विक्रीको पछिको सेवालाई चुस्त, दुरुस्त र प्रभावकारी बनाउने उद्धेश्यले तीन वर्षभित्रमा देशका दुई सय स्थानमा सर्भिस सेन्टर स्थापना गर्ने योजना रहेको बताए ।

उनले सुजुकी हाल देशमा सर्वाधिक विक्री हुने ब्राण्ड बनेको र अन्य ब्राण्डसँगको प्रतिश्पर्धामा डबल अन्तर रहेको दाबी गरे ।
बतासका प्रवन्ध निर्देशक शान्तराज बतासले ट्याक्सीका गा्रहकहरुका लागी लक्षित गरेर साँझ ६ बजे बाट ८ बजे सम्म एक्सप्रेस ट्याक्सी मेन्टेनेन्स सेवा प्रदान गरिने बताए।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width