ऐतिहासिक स्याङ्जा नुवाकोटको अवलोकन

आदर्श समाज सम्वाददाता
वैशाख १९, २०७६
syangja_Fotor

पोखरा, १८ वैशाख। कस्केली अधिकृत समाज, कास्की नेतृत्वको टोलीले स्याङ्जा नुवाकोटको अवलोकन भ्रमण गरेको छ।

कास्की र आसपासका पर्यटकीय स्थलको प्रवद्र्धन गर्ने उद्देश्यका साथ सो क्षेत्रको अवलोकन गरिएको समाजका अध्यक्ष दुर्गाबहादुर शाह ‘बाबा’ ले जानकारी दिए।

नेपालका वाइसे चौवीसे राज्यमध्येको नुवाकोट विसं १५१० देखि १८४२ मा विशाल नेपालमा विलय नहुने बेलासम्म स्वतन्त्र राज्यका रुपमा रहेको थियो।

भ्रमणटोलीलाई त्यहाँस्थित काला भैरव मन्दिर, ऐतिहासिक दरबार क्षेत्र लगायतका विषयमा स्थानीय समाजसेवी एवम् काला भैरव पुरातात्विक मन्दिर व्यवस्थापन समितिका अध्यक्ष नरकाजी गुरुङले जानकारी गराएका थिए।

अवलोकन भ्रमणमा समाजका सल्लाहकार प्रेमप्रकाश गौतम, भगवान पन्त, डा दीर्घनाथ ढुंगाना र विष्णुप्रसाद बराल, डा कालु शर्मा, समाजका सचिव लोकनाथ दवाडी, कोषाध्यक्ष तारा श्रेष्ठ लगायत ४० जना सहभागी रहेकोमा सबैले भ्रमण फलदायी रहेको धारणा व्यक्त गरेका छन्।

Related News

सम्बन्धित समाचार

hero news full width