साना उद्योगको संरक्षण गर्न व्यवसायीको माग

एजेन्सी
वैशाख १६, २०७६

पोखरा, १५ वैशाख। घरेलु तथा साना उद्योलाई राज्यले विशेष सुविधा र संरक्षण दिनुपनेर्मा एक कार्यक्रमका वक्ताहरूले जोड दिएका छन्।

उनीहरूले राज्यले साना र घरेलु उद्योगको प्रतिष्पर्धी क्षमता बढाउन, तालिम र अनुदानको व्यवस्थाको माग पनि गरेका छन्। नेपाल उद्योग वाणिज्य महासंघ तथा पोखरा उद्योग वाणिज्य संघद्वारा आयोजित नेपाल सरकार लघु, घरेलु तथा साना उद्योग विकास कोषको सहयोगमा आयोजित अन्तरक्रियामा उक्त कुरामा जोड दिइएको हो।

आइतबार लघु, घरेलु तथा साना उद्योग प्रवद्र्धनसम्बन्धि अन्तरक्रिया कार्यक्रममा बोल्दै नेपाल उद्योग वाणिज्य महासंघ घरेलु तथा साना उद्योग समितिका सभापति डिबी बस्नेतले देशमा भएको रोजगारीमा घरलु तथा साना उद्योगको ८५ प्रतिशत योगदान रहेको जिकिर गरे।

उद्योगहरूलाई बचाउनु राज्यको कर्तव्य र साना उद्योग चलाउनेहरूको राज्यसम्मको पहुँच कम हुँदा उनीहरू अनुदान र अन्य सहयोग लिन पछि परेको दावी गरे। साना उद्योगका उत्पादनहरूमा प्याकेजिङ र बजारीकरणको समस्या भएको उल्लेख गर्दै उनले ठूला उद्योगहरूको कर्तव्य साना उद्योगहरूलाई बचाउनु पनि रहेको बताए।

नेपाल उद्योग वाणिज्य महासंघ गण्डकी प्रदेशका अध्यक्ष संजीवबहादुर कोइरालाले राष्ट्रिय पहिचानका सामाग्री उत्पादन गर्ने लघु तथा साना उद्योगलाई राज्यले नै संरक्षण गर्नुपनेर्मा जोड दिए। उनले गण्डकी प्रदेश सरकारले लघु, साना तथा घरेलु उद्योगको विकासको लागि ३ करोड बजेटको व्यवस्था गरेको प्रति आभार व्यक्त गरे।

पोखरा उद्योग वाणिज्य संघका अध्यक्ष दामु अधिकारीले हरेक व्यवसाय सुरु गर्दा बजारको अध्ययन गर्ने परम्पराको विकास गर्नुपनेर्मा जोड दिए। साना र घरेलु उद्योगहरूले राष्ट्रिय अर्थतन्त्रमा दिएको योगदानको कदर गर्दै ती उद्योगहको संरक्षणमा विशेष कार्यक्रम संचालन गर्न उनले सरकारसँग माग गरे।

नेपाल उद्योग वाणिज्य महासंघका उपमहानिर्देशक हंशराम पाण्डेयले लघु, घरेलु तथा साना उद्योगको अवस्था, उद्योग प्रवद्र्धनमा समस्या र चुनौति विषयक कार्यपत्र प्रस्तुत गर्दै परम्परागत सीपबाट संचालन हुँदै आएका उद्योगहरू, कृषि तथा वन पैदावार, चिया, कफी, फलफूलतरकारी, जडिबुटी, होटल, रेष्टुरेण्ट, गामेर्ण्ट र हस्तकलामा आधारित भएर साना उद्योग संचालन गर्न सकिने बताए।

गण्डकी प्रदेशमा १ लाख ६ सय ८८ वटा उद्योगहरू संचालनमा रहेको बताउँदै उनले ती उद्योगहरूमा ३ लाख ४१ हजार ८ सय १८ जनाले रोजगारी पाएको जनाए।

कार्यक्रममा बोल्दै घरेलु तथा साना उद्योग कार्यालय कास्कीका उद्योग अधिकृत महराज ढकालले जनशक्तिको अभावमा आफ्नो कार्यालयले सोचेजस्तो काम गर्न नसकेको बताए।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width