पोखरा, १५ वैशाख । नेपाल ट्रेड युनियन कांग्रेस कास्कीले बैशाख १८ गते एक सय ३० औं अन्तराष्ट्रिय श्रमिक दिवस मनाउने भएको छ।
युनियन जिल्ला अध्यक्ष विजयराज भण्डारीको अध्यक्षतामा बसेको बैठकमा श्रमिक दिवस मनाउने निर्णय गरेको हो । केन्द्रीय नीति अनुरुप सबै प्रदेशमा भावि नीति तथा वर्तमान सरकारले गर्दै आएको मजदुर विरोधी कार्यक्रमको भण्डाफोर गरिने जानकारी नेपाल ट्रेड युनियन कांग्रेस गण्डकी प्रदेश अध्यक्ष मुरारी शर्माले दिए ।
कांग्रेसले जनजागरण अभियान थालेसँगै निकट मजदुर संगठनले सक्रियता बढाउन मजदुर दिवस मनाउन ट्रेड युनियन कांग्रेससँग आवद्ध १६ प्रतिष्ठानबाट ब्यानरसहित ¥यालीमा सहभागी हुन अनुरोध गरिएको छ ।
६ हजार संख्यामा रहेका मजदुरले पोखरामा निकाल्ने ¥यालीलाई नजिकबाट नियाल्नु पर्ने बैठकमा सहभागीले बोलेका थिए । सामाजिक सुरक्षा कोष, अस्थायी कर्मचारी, करारमा कार्यरत कर्मचारी, न्युनतम पारिश्रमिक पाउन नसकेका मजदुर, असंगठित क्षेत्रका मजदुर तथा सरकारले हैरानीमा पारेका मजदुरका विषयमा नेपाली कांग्रेसका नेता तथा पूर्व अर्थमन्त्री महेश आचार्यले ¥याली पछिको सभामा सम्बोधन गर्ने बताइएको छ ।
बैठकले नेपाल ट्रेड युनियन कांग्रेस राष्ट्रिय समितिले सल्लाहकारमा मनोनित भएका रामजी कुँवर, संगठन विभाग सदस्य कुलदेवी बराल, कानुनी सेल सदस्य कृष्णप्रसाद तिमिल्सिना, प्रचारप्रसार विभागमा चयन भएका निर्दोष डुम्रे समेत बैठकमा सहभागी थिए ।
अन्तर्राष्ट्रिय श्रमिक दिवस मनाउन जिल्ला अध्यक्ष विजयराज भण्डारीको मूल संयोजकत्वमा समिति गठन भएको छ । बैठकमा नेपाल ट्रेड युनियन कांग्रेस जिल्ला सचिव रुद्रप्रसाद तिमिल्सिना, शिक्षक संघका शिरोमणि लामिछाने, प्रेस युनियनका नवीन सिग्देल, कारखानाका किरण अधिकारी, केशवराज भट्टराई, अर्जुन खनाल, टेकनाथ पन्थी लगायतले धारणा राखेका थिए ।
Related News
सम्बन्धित समाचार
श्रीकृष्ण प्रणामीमा प्रवचन सुरु
गुरुङ सम्पदा पदमार्ग घोषणा
पोखरामा बोलबम पदयात्राको तयारी पूरा, साउनका चारै सोमबार हुने
विपद् व्यवस्थापनमा ३ तहका सरकार सँगसँगै
पोखरा महानगरको बजेट पारित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१