पोखरा, १४ वैशाख । सामुदायिक विद्यालयप्रतिको आकर्षण घट्दै गएको अवस्थामा कास्कीको अन्नपूर्ण गाउँपालिकाभित्रका सामुदायिक विद्यालयमा भने विद्यार्थी सङ्ख्या बढ्दो क्रममा छ ।
गुणस्तरीय शिक्षाका लागि गाउँपालिकाका साथै सम्बन्धित विद्यालयले चासो दिन थालेसँगै विद्यार्थी तथा अभिभावकको रोजाइ सामुदायिक विद्यालय पर्दै गएको हो । बसाइँ सरेर अन्यत्र गएका बाहेक गाउँपालिकाका अघिकांश वडाका विद्यार्थी सामुदायिक विद्यालयमा नै भर्ना भएको गाउँपालिकाका शिक्षा, युवा तथा खेलकूद शाखाका प्रमुख बलराम भुगाइँले बताए ।
“हामी यतिखेर गाउँपालिकामा भर्ना अभियानमा छौँ”, उनले भने “शैक्षिक गुणस्तरीयता अभिवृद्धि, पूर्वाधार विकासलगायतका कारणले विद्यार्थी तथा अभिभावकको आकर्षण सामुदायिक विद्यालयमा बढ्दै गएको छ ।” गाउँपालिकाले आफ्नो वार्षिक नीति तथा कार्यक्रममा विद्यालय उमेरका सबै बालबालिकालाई विद्यालयमा भर्ना गराइ ती विद्यार्थीलाई टिकाएर माध्यमिक तहसम्मको शिक्षा पूरा गराउने नीति अवलम्बन गरिने उल्लेख गरेको थियो ।
त्यस्तै शैक्षिक गुणस्तर वृद्धिका लागि विभिन्न शैक्षिक कार्यक्रम सञ्चालन गरिने नीति तथा कार्यक्रममा उल्लेख छ । विषयगत स्तरीयता अभिवृद्धिका लागि गाउँपालिकामा विषयगत शिक्षकको समूह गठन गरिएको शाखा प्रमुख भुगाइँले जानकारी दिए । विषगत शिक्षकका साथै शिक्षकको तालिमलाई प्राथमिकतामा राखिएको बताइएको छ ।
उनका अनुसार अघिल्लो वर्ष एसइईको परीक्षाफलपछि प्रत्येक शिक्षकलाई विद्यार्थीले प्राप्त गरेको जिपिएका आधारमा विषयगत उपलब्धिको समीक्षा गर्दै आगामी वर्षका लागि कति जिपिएसम्म ल्याउन सकिन्छ भन्ने गोप्य लिखित प्रतिबद्धता लिइएको थियो । यस वर्षको परीक्षाफल आएसँगै शिक्षकबाट लिइएको प्रतिबद्धता र विद्यार्थीले प्राप्त गरेको उपलब्धि मूल्याङ्कन गरी राम्रो गर्न सक्नेलाई पुरस्कृत गरिने बताइएको छ ।
गाउँपालिकाका तर्फबाट सामुदायिक विद्यालयको पूर्वाधार विकासमा कुनै कमी नगरेको अन्नपूर्ण गाउँपालिकाका अध्यक्ष युवराज कुँवरले बताए । “हामी भौतिक पूर्वाधारमा कमजोर छैनाँै, अब कसरी गुणस्तरीय शिक्षा दिन सकिन्छ भन्ने विषय नै सबैको चासो र चिन्ताको विषय हो”, उनले भने “गाउँपालिका, विद्यालय, विद्यार्थी तथा अभिभावक सबैको सामूहिक प्रयासमा शिक्षाको गुणस्तरीयता बढाउन सकिने सोचका साथ अघि बढेका छौँ ।” गाउँपालिकामा सामुदायिक विद्यालयको सङ्ख्या ५२ र संस्थागत विद्यालय पाँच रहेको छ ।
Related News
सम्बन्धित समाचार
प्रदेश सभामा मुख्यमन्त्री पाेखरेलकाे संवाेधन : संघीयता सुदृढीकरण, अधिकार र स्रोत प्राप्तिका लागि संघ सरकारसँग संघर्ष जारी छ
नीति तथा कार्यक्रममा समेटिएका गण्डकीका योजना
बजेट अधिवेशन आजदेखि
नियुक्ति बदरमा अन्तरिम आदेश यथावत्
प्रेस युनियनलाई १ लाख सहयोग
hero news full width
मुख्य समाचार
काे हुन् पाेखराका मेयर धनराज आचार्य ?
धनराज पोखराको १६ औं मेयर
जेठ १२, २०७९करोडौं मूल्यको अतिक्रमित जग्गा फिर्ता ल्यायौं –योगेन्द्रमान श्रेष्ठ
जेठ १२, २०७९‘करोडको गाडी चढेर जनताको समस्या देखिदैँन’
जेठ ११, २०७९संघीयता नेपाली जनताका लागि गलगाँड बन्यो : प्राडा दिलबहादुर क्षत्री
जेठ ११, २०७९चुनावको जात्रा, मकैको व्यापार
जेठ ११, २०७९