पोखरा, १० वैशाख । तनहुँको दमौलीमा माईक्रोबसले स्कुटरलाई ठक्कर दिँदा स्कुटर चालकको मृत्यु भएको छ ।

व्यास नगरपालिका –४ स्थित मालेबगरमा मंगलवार विहान माईक्रोबसले स्कुटरलाई ठक्कर दिँदा स्कुटर चालक व्यास –१० परेवा डाँडाका २३ बर्षीय रमेश शर्माको मृत्युको भएको हो ।

पृथ्वीराजमार्ग अन्र्तरगत दमौलीमा पोखराबाट काठमाडौं तर्फ जादै गरेको ग १ य ४८५ नम्बरको माईक्रोले ग १३ प ९१८१ नम्बरको स्कुटरलाई ठक्कर दिदा स्कुटर चालक गम्भीर घाइते हुन पुगेका थिए । घाइते स्कुटर चालकको दमौली अस्पतालमा उपचारको क्रममा मृत्यु भएको जिल्ला प्रहरी कार्यालय तनहुँका डीएसपी लीलाराज लामिछानेले बताए ।

भित्री सडकखण्डबाट पृथ्वीराजमार्गमा प्रवेश गरेको स्कुटरलाई माइक्रोले ठक्कर दिँदा उक्त दुर्घटना भएको प्रहरीले जनाएको छ । माइक्रोबस, चालक र स्कुटरलाई प्रहरीको नियन्त्रणमा रहेको जिल्ला प्रहरी कार्यालय तनहुँले जनाएको छ । सोमवार दिउसो पनि बसले मोटरसाइकललाइृ ठक्कर दिँदा एका युवको मृत्यु भएको थियो ।