पोखरा, ७ बैशाख । नेपाली कथानक क्या वात छ को श्याम शुक्ला फिल्म प्रोडक्सनको व्यानरमा निर्माण भएको नेपाली कथानक चलचित्र क्या वात छ को शिर्ष गित सार्वजनिक भएको छ ।

श्याम शुक्लाको युटुव च्यानल श्याम शुक्ला ईन्टरटेन्मेण्टवाट सार्वजनिक गरिएको सो गितमा विजय कुमार र रजनी रिदम राईको स्वर रहेको छ । यस्तै गिनिज वुक अफ वर्ड रेकर्डमा आफ्नो नाम दर्ता गराएका पोखराका पुराना गायक तथा संगीतकर्मी देशभक्त सिंह कँुवरको संगीत रहेको छ । यस्तै सार्वजनिक गितको शव्द रचना नवीन घतानेको रहेको छ ।

यही वर्ष प्रर्दशन गर्ने तयारीका साथ काम भएको चलचित्रका निर्देशक मन्दिप रानाले जानकारी दिए । उनका अनुसार चलचित्रको कलर र अन्तिम मिक्सीङ्गको काम वाहेक सवै काम सकिएको छ । एक्सन प्रेम कथामा आधारित चलचित्र क्या वात छ मा नविन घतानेको लगानी रहेको छ ।

५० लाखको हाराहारीमा अहिले सम्म खर्च भएको निर्माता घतानेको भनाई रहेको छ । उनले भने–“हामीले कसरी कम लगानीमा उत्कृष्ट चलचित्र निर्माण गर्न सकिन्छ भन्ने कुराम ध्यान दिएका छौं ।” उनका अनुसार अव नेपाली वजारमा करोड माथीका चलचित्रको लगानी सुरक्षित गर्न नसकिने भएकाले लगानीलाई कम गर्दै उत्कृष्ट चलचित्र निर्माण गर्नु पर्छ ।

चलचित्रमा नविन धताने, तुलसा जिसी , देशभक्त सिंह कुवर, रोशनी सुनैना, अविराज केसी, विजय कुमार, सुस्मिता परियार र गिताको मुख्य भुमिका रहेको छ । उस्तै पोष्ट प्रोडक्सनका सवै काम श्याम शुक्ला फिल्म प्रोडक्सनमा भएको छ भने चलचित्रको छायंकनमा राहुल राई, सम्पालक नेत्र गुरुङ्ग र अशोक आले मगर र कलरमा नेत्र गुरुङ्ग रहेका छन् ।