पोखरा, २२ चैत । स्याङ्जा वालिङ नगरपालिका–७ को बिसौनीको भित्री सडक खण्डमा शुक्रवार दिउसो जीप दुर्घटना हुँदा १६ जना घाइते भएका छन् ।

स्याङ्जाको चापाकोटवाट वालिङ तर्फ आउदै गरेको ग.१ज. ५५२२ नै को जीप दुर्घटना हुँदा १६ जना घाइते भएका हुन् । जीपमा १८ जना यात्रु सवार थिए । दुई यात्रु भने सकुशल छन् ।

जीप दुर्घटनामा घाइते ६ जनालाई थप उपचारका लागि पोखरा ल्याइएको र अन्य दश जनाको स्याङ्जा स्थित स्थानीय अस्पतालमा उपचार भइरहेको जिल्ला प्रहरी कार्यालय स्याङ्जाले जानकराी दिएको छ । चालक र जीपलाई प्रहरीले नियन्त्रणमा लिई घटनाको वारेमा अनुसन्धान अगाडि वढाएको छ ।