सप्तगण्डकी क्षेत्रमा बसेर लिएको सती ब्रत ‘अन्तिम अभिलाषा’ : डा. जगमान

आदर्श समाज सम्वाददाता
चैत्र १२, २०७५
20190325_161638_Fotor

साहित्यकार एवम् पुस्तक व्यवसायी रमा पराशरको आत्मकथा ‘अन्तिम अभिलाषा’ लोकार्पण गर्दै नेपाल प्रज्ञा प्रतिष्ठानका उपकुलपति डा. जगमान गुरुङ र संस्कृतिकर्मी चेतन कार्कीलगायतका अतिथि। तस्वीरः आदर्श समाज

पोखरा, ११ चैत। सोमवार पोखरामा आयोजित एक कार्यक्रमका वक्ताले सप्तगण्डकी क्षेत्रमा बसेर लिएको सती ब्रत नै ‘अन्तिम अभिलाषा’ भएको धारणा व्यक्त गरेका छन्।

साहित्यकार एवम् पुस्तक व्यवसायी रमा पराशरको आत्मकथा ‘अन्तिम अभिलाषा’ लोकार्पण समारोहका वक्ताले उक्त कुरामा जोड दिएका हुन्।

मकालु पब्लिकेशन हाउस आयोजक र पुस्तक तथा स्टेशनरी व्यवसायी महासंघ कास्की सहआयोजक रहेर आयोजना गरिएको कार्यक्रमका प्रमुख अतिथि नेपाल प्रज्ञा प्रतिष्ठानका उपकुलपति डा जगमान गुरुङ र संस्कृतिकर्मी चेतन कार्कीले संयुक्त रुपमा लोकार्पण गरे।

प्रमुख अतिथि डा गुरुङले रमा पराशरको छाया पोखराका सन्दर्भमा फेवातालमा माछापुच्छ्रेको जस्तै रहेको बताए। उनले सप्तसिन्धू पञ्जाव जन्मभूमि भएकी पराशर कर्मभूमि सप्तगण्डकी क्षेत्रको पोखरामा बसेर लिएको सती ब्रत नै अन्तिम अभिलाषा भएको बताए।

गुरुङले पराशरलाई दूरदराजबाट आएकी महिलाले यति धेरै सामाजिक कार्य गर्न सक्छिन् भन्ने सबैकी प्रेरणाकी स्रोतका रूपमा चिनाउँदै अब विदेशी भन्न नहुने बताए।

संस्कृतिकर्मी चेतन कार्कीले पछिल्लो समय आत्मकथाका नाममा आत्मप्रशंसा र झुटको पुलिन्दा मात्रै लेखिएका बेला रमाको सत्य आत्मकथा लेख्ने आँट आफैंमा प्रशंसनीय भएको धारणा राखे।

प्राज्ञ तीर्थ श्रेष्ठले रमाले आफ्नो आत्मकथामा पोखरेली आत्मियतालाई उदारतापूर्वक उद्घोष गरेको धारणा राखे। उनले रमाको साहित्यक यात्रालाई अगाडि बढाउन आफूले पोखरेली युवा सांस्कृतिक परिवारको सदस्य तथा साहित्य संयोजकसमेत बनाएको स्मरण गरे।

नेपाल प्रज्ञा प्रतिष्ठान परिषद् सदस्य तथा लोकसंगीत विभाग विभागीय प्रमुख हरिदेवी कोइरालाले रमालाई समाजसेवा र साहित्य सेवाका नामबाट प्रेमको पूजा गरिरहेकी प्रेमकी पुजारीका रूपमा चिनाइन्।

लायन्स क्लब ३२५ बी १ का पीएमसीसी प्रेमबहादुर श्रेष्ठले राजन पराशरसँगको सहयात्रा स्मरण गर्दै रमा र राजनको लोकप्रियताका कारण हरेक कार्यक्रमलाई आफूहरूले महोत्सवका रूपमा लिने गरेको बताए।

लायन्स क्लब ३२५ बी १ का पूर्व गभर्नर धनराज आचार्यले स्रष्टा परिचय राख्दै रमाको परिवारलाई आफ्नै परिवारका रूपमा चिनाए। उनले पुस्तक पढ्दै गर्दा लेखनको पृष्ठभूमिको परिवेश आफ्नै घरबाट भएको पाउँदा आफूलाई हर्षानुभूति भएको बताए।

कृति समीक्षा गर्दै डागर स्मृति प्रतिष्ठान नेपाल सदस्य असफल गौतमले रमा पराशरको जीवन नै खुला पुस्तक रहेको बताउँदै कसैलाई घात नगर्ने स्रष्टाका रूपमा चिनाए। समीक्षक असफलले थपे, ‘रमाको मनमस्तिष्कमा घातप्रतिघातको सोच नभएका कारण मजदूरदेखि मालिकसम्म सबैकी प्रिय पात्रका रूपमा रहेकी छन्।’

स्रष्टा रमा पराशरले पुस्तक लेखन, अनुवाद, सम्पादन, प्रकाशन र लोकार्पण सन्दर्भसम्म आइपुग्दा सबैले पुर्याएको योगदान चिरस्मरणीय रहेको बताइन्। उनले पोखरेलीले आज जसरी माया दिएका छन् भोलि पनि त्यसरी नै साथ रहोस् भन्ने अन्तिम अभिलाषा रहेको बताइन्।

पुस्तक प्रकाशक मकालु पब्लिकेशनका प्रबन्धक बासुदेव ढकालले विश्वमा धेरैले बायोग्राफी आफूले लेखेका होइनन् अरूलाई लेखाएका सन्दर्भमा पराशर आफैँले लेख्छु, सत्य लेख्छु भनेर आफैँले लेख्नु स्तूत्य भएको बताए।

अध्यक्षको आसनबाट नेपाल पुस्तक तथा स्टेशनरी व्यवसायी महासंघ कास्कीका अध्यक्ष मोहन सापकोटाले झण्डै तीन दशकदेखि निरन्तर पुस्तक व्यावसायमा आवद्ध भएर आफूलाई आजको अवस्थासम्म पुर्याउने रमा पराशरको सोच र सामथ्र्य सबैका लागि प्रेरणाको स्रोत भएको बताए।

कार्यक्रमको सञ्चालन गर्दै नेपाल पत्रकार महासंघ कास्की अध्यक्ष दीपेन्द्र श्रेष्ठले हिजो एक्लै नेपाल आएकी रमा पराशर आज सबैकी प्यारी बनेको धारणा राखे।

Related News

सम्बन्धित समाचार

  • गीताञ्जली साहित्य परिवारको साधना प्रभात

    आदर्श समाज सम्वाददाता जेठ ८, २०८१
    पोखरा । गीताञ्जली साहित्य परिवारको २५७ औं साधना प्रभात एवं नियमित रचना कार्यक्रम सम्पन्न भएको छ । साहित्यका विभिन्न विधा कविता,…
  • चलचित्र पत्रकार संघ नेपालको रजत जयन्ती

    आदर्श समाज सम्वाददाता जेठ ७, २०८१
    पोखरा । चलचित्र पत्रकार संघ नेपालको रजत जयन्ती अवसरमा कास्की शाखाले सोमबार शुभकामना आदानप्रदान कार्यक्रम गरेको छ । केन्द्रले भने…
  • गोकुल जोशीको जन्मजयन्तीमा रचना वाचन

    आदर्श समाज सम्वाददाता जेठ ७, २०८१
    पोखरा । जनकवि गोकुल जोशीको ९५ औं जन्मजयन्ती कवि तथा साहित्यकारले रचना वाचन गरी मनाएका छन् । तनहुँ सम्पर्क समाज…
  • बेलायतमा ‘प्रकट’ र ‘पारिजात’को स्मरण

    आदर्श समाज सम्वाददाता जेठ १, २०८१
    पोखरा । अन्तर्राष्ट्रिय नेपाली साहित्य समाज अनेसास बेलायत शाखाले साउथ ह्यारोमा विविध कार्यक्रमका साथ साहित्यकार प्रकट पगेनी शिवको श्रद्धान्जली सभा…
  • ७ श्रष्टालाई गण्डकी प्रज्ञा प्रतिष्ठानको सम्मान

    आदर्श समाज सम्वाददाता वैशाख २९, २०८१
    पोखरा। गण्डकी प्रदेशका मुख्यमन्त्री खगराज अधिकारीले प्रकृति र संस्कृतिको माध्यमबाट पोखरामा पर्यटकको आगमन बढाउन सकिने बताउनुभएको छ । शनिबार गण्डकी…

hero news full width