पोखरा, १८ फागुन । नेकपा नेता वामदेव गौतमले दिवंगत नेता रवीन्द्र अधिकारी निर्वाचित कास्की निर्वाचन क्षेत्र नं २ बाट आफू उपनिर्वाचन नलड्ने प्रष्ट पारेका छन् ।
उनले आफूलाई नभएर अधिकारीको परिवारकै सदस्यलाई कास्की–२ बाट उम्मेदवार बनाउन पनि माग गरेका छन् । हेलिकप्टर दुर्घटनामा ज्यान गुमाएका रवीन्द्र अधिकारीको अन्त्यष्टिमा शुक्रवार पोखरा आएका गौतमलाई उपनिर्वाचन सहभागी हुने आशंक र हल्ला चलेपछि उनले यस्तो प्रतिक्रिया दिएका हुन् ।
कास्कीबाट उपनिर्वाचन लड्ने मनसायले उनी सहभागी भएको प्रचार ल्याइएको प्रति उनले आपक्ति जनाउदै र त्यस्तो प्रचारको खण्डन गर्दै आफू उम्मेदवार नबन्ने प्रष्ट पारेका हुन् । गौतमले हुँदै नभएका निराधार कुरा प्रचारमा ल्याइएको भन्दै चित्त दुखाएका छन् ।
यो मेरो चरित्र हत्या गर्ने निकृष्ट र षड्यन्त्रमूलक विचार राखेर सुरु गरिएको कुप्रचार मात्र हो’, गौतमले शनिबार फेसबुकमा लेखेका छन् ‘मृत्यु शोकमा पाइला टेकेर व्यक्तिगत स्वार्थ पूरा गर्ने विचारलाई मैले कहिल्यै मान्यता दिइनँ, जीवनभर दिने पनि छैन ।
मेरो इच्छाविपरीत पार्टीले निर्णय गरेछ भने पनि म कमरेड रवीन्द्रको दुःखद् निधनवाट खाली भएको निर्वाचन क्षेत्रमा उम्मेदवार बन्ने छैन । मेरो सम्पूर्ण प्रयत्न रवीन्द्रको परिवारका सदस्यलाई नै उमेदवार बनाउनेमा लगाउने छु, उनले भने ।
पार्टीले उम्मेदवार बनाए पनि आफू अधिकारीको निर्वाचन क्षेत्रबाट उम्मेदवार नबन्ने गौतमले प्रष्ट पारेका छन् । बरु उक्त निर्वाचन क्षेत्रमा अधिकारीकै परिवारका सदस्यलाई उम्मेदवार बनाउनु पर्ने गौतमको भनाइ छ ।
रवीन्द्रको शुक्रवार पोखराको रामघाटमा गरिएको अन्त्येष्टिसँगविभिन्न शंका आशंका गर्न थालिएको छ । अन्त्येष्टिमा पुगेका नेता तथा कार्यकर्ताको उपनिर्वाचनमा कास्की निर्वाचन क्षेत्रवाट अव उम्मेदवारी कस्ले पाउने भन्ने बारेमा टिका टिप्पणी भइरहेको थियो ।
नेकपाका नेता तथा कार्यकर्ताले नेकपावाट उपनिर्वाचनमा उम्मेदवारी रवीन्द्रकी पत्नी विद्या, सोमनाथ प्यासी, वामदेव गौतम, धनराज आचार्य, रश्मी आचार्य, तेजनारायण अधिकारी, राजकाजी गुरुङ, लगायतको नाम सुन्नमा आएको छ भने काँग्रेसका कार्यकर्ता पुन देवराज चालिसे, सोवीयत अधिकारी लगायतका चर्चा सुनिएको छ ।
Related News
सम्बन्धित समाचार
गण्डकी प्रदेश सभाको बैठक अनिश्चितकालका लागि स्थगित
सुदुरपश्चिममा सोडारी मुख्यमन्त्री नियुक्त
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१