पोखरा, १७ फागुन । हेलिकप्टर दुर्घटनामा परी निधन भएको संस्कृति, पर्यटन तथा नागरिक उड्डयनमन्त्री रवीन्द्र अधिकारीको अन्त्येष्टि पोखराको रामघाटमा गरिने भएको छ ।

काठमाण्डौवाट उनको शव ल्याएपछि श्रद्धाञ्जलि कार्यक्रमको लागि पोखराको प्रदर्शनी केन्द्रमा राखिने र त्यसपछि पोखराको रामघाटमा अन्त्येष्टि गरिने गण्डकी प्रदेशका भौतिक पूर्वाघार तथा विकाश मन्त्री एव सरकारका प्रवक्ता रामशरण वस्नेतले जानकारी दिए ।

काठमाडौँबाट अशुक्रवार मध्याह्न दिवङ्गत मन्त्री अधिकारीको पार्थिव शरीर पोखराको विमानस्थलमा ल्याएपछि प्रदर्शनी केन्द्रमा राखिने छ । मन्त्री बस्नेतका अनुसार नेता अधिकारीप्रति सर्वसाधारणले श्रद्धासुमन अर्पण गरेपछि उनको शवयात्रा पोखराको नयाँबजार, महेन्द्रपुल, रानीपौवा, अस्पतालचोक र गीता मन्दिर हुँदै रामघाटमा पुगी राजकीय सम्मानका साथ अन्त्येष्टि गरिनेछ ।

कास्कीको पोखरा महानगरपालिका–३३ भरतपोखरीको जामुनाबोटमा जन्मिएका स्व अधिकारी कास्की क्षेत्र नं २ बाट प्रतिनिधिसभामा निवाचित भएका थिए ।