पोखरा, ३० पुस।एनएमबी माइक्रोफाइनान्स वित्तीय संस्थाको छैठौं वार्षिक साधारण सभा सम्पन्न भएको छ।

साधारण सभाले आ.व.२०७४/०७५ को मुनाफावाट आफ्ना शेयरधनीहरूलाई १५ प्रतिशत बोनस शेयर दिने प्रस्ताव पारित गरेको छ।

सञ्चालक समितिले प्रस्ताव गरे बमोजिम बोनस शेयर जारी गरे पश्चात् कायम हुने कुल चुक्ता पुँजीको १:१.५ दरले हकप्रद शेयर जारी गरी  पूँजी वृद्धि गर्ने प्रस्ताव पारित गरेको संस्थाका अध्यक्ष उतम भ्लोनले बताए।

सभामा सञ्चालक समितिका अध्यक्ष उतम भ्लोनले प्रस्तुत गरेको आ.व. २०७४/०७५ को वार्षिक प्रतिवेदन सर्वसम्मत पारित भएको थियो।

सभामा लेखापरीक्षकको प्रतिवेदनसहितको २०७५ आषाढ मसान्तसम्मको वासलात, आ.व. २०७४/०७५ को नाफा नोक्सान हिसाब, सोही अवधिको नगद प्रवाह विवरण र सम्बन्धित अनुसूचीहरू उपर छलफल गरी सर्वसम्मत पारित गरिएको बताइएको छ।

साधारण सभामा संस्थाका संचालक गोविन्द घिमिरेले एनएमबी माइक्रोफाइनान्स वित्तीय संस्थाको भावी योजना बारे प्रकाश पारेको संस्थाका निमित प्रमुख कार्यकारी अधिकृत रामप्रसाद मिश्रले बताए।

पोखरा–२५ हेम्जामा केन्द्रीय कार्यालय रहेको यस माइक्रोफाइनान्सले देशका ५४ वटा जिल्लामा १०० वटा शाखा कार्यालय स्थापना गरी  लघुवित्तीय सेवा प्रदान गदै आएको छ।

एनएमबि बैकको सहायक कम्पनीका रूपमा रहेको यस वित्तीय संस्थाको हाल करीव रु २ अर्व ५१ करोड कर्जा लगानी र निक्षेप करीव रु ८५ करोड रहेको निमित प्रमुख कार्यकारी अधिकृत राम प्रसाद मिश्रले बताए।