पूजा कापी उद्योगको अध्यक्षमा चौधरी

आदर्श समाज सम्वाददाता
पौष १०, २०७५
pooja copy207599

खैरेनीटार, ९ पुस । पूजा कापी उद्योग भरतपुर–४, शिवघाटको प्रथम वार्षिक साधारणसभा तथा अधिवेशनले सञ्जयकुमार चौधरीको अध्यक्षतामा नयाँ सञ्चालक समिति चयन गरेको छ ।

सञ्चालक समिति सदस्यमा नवीन रेग्मी, विष्णुप्रसाद शर्मा (केपी), शिव पौडेल, विजयकुमार घिमिरे, सुशील भण्डारी, नारायण काफ्ले, विष्णुप्रसाद कँडेल र उमाशंकर गुप्ता चयन भएका छन् ।यस्तै, ताराराम श्रेष्ठको संयोजकत्वमा पाँच सदस्यीय लेखा तथा सुपरीवेक्षण समिति निर्वाचित भएको छ । अन्य सदस्यमा नारायणकुमार श्रेष्ठ, ताराराम घले, युवराजकुमार कार्की र रामकृष्ण न्यौपाने निर्वाचित भएका छन्  र कम्पनी सचिवमा पिताम्बर पोख्रेल रहेका छन् ।

निर्वाचित अध्यक्ष सञ्जयकुमार चौधरीले सकारात्मक सोचका साथ अगाडी बढ्ने जनाए ।

नेपालको सबै प्रदेशका युवाउद्यमीको प्रयासमा २०७४ सालमा स्थापित उद्योगको स्थापनालेे देशको आर्थिक विकासमा सहयोग पुग्ने सञ्चालक समूहले जनाएको छ ।

यस्तै, ३४ जना शेयर सदस्य रहेको नेपालको पहिलो स्वचालित मेसिनद्वारा कापी उत्पादन गरिने सो उद्योगमा २५ करोडको लगानी गरिएको छ ।

उद्योग सञ्चालक समिति अध्यक्ष उत्तमप्रसाद रेग्मीको अध्यक्षता रहेको कार्यक्रमको सञ्चालन नारायण काफ्लेले गरेका थिए ।

Related News

सम्बन्धित समाचार

hero news full width