छिट्टै प्रदेश सहकारी ऐन : मन्त्री थापा

आदर्श समाज सम्वाददाता
पौष ९, २०७५
Bihani savinig_Fotor

पोखरा, ८ पुस। पोखरा महानगरपालिका-८ सभागृहमा प्रधान कार्यालय रहेको श्री बिहानी बचत तथा ऋण सहकारी संस्था लिमिटेडसँग थप दुर्इ सहकारी एकीकृत भएका छन्।

यसरी एकीकृत हुनेमा पोखरा-२८ माझठानामा रहेको तुलसी मेहेर बचत र माझठाना उपभोक्ता सहकारी रहेका छन्।एकीकरणपछि सहकारीको एकीकृत साधारण सभासमेत सम्पन्न भएको छ।।

प्रमुख अतिथि गण्डकी प्रदेश भुमि व्यवस्था, कृषि तथा सहकारी मन्त्री लेखबहादुर थापाले साधारणसभाको उद्घाटन गरेका हुन् ।

कार्यक्रममा बोल्दै प्रमुख अतिथि थापाले माघ महिनाभित्रै प्रदेश सहकारी ऐन आउने प्रतिबद्धता ब्यक्त व्यक्त गरे। उनले सहकारी संस्थाले उत्पादन, कृषि, सेवा, ब्यबसाय, बजार प्रबर्द्धनलगायतका कार्यक्रममा लगानी गरेमा सरकारले अनुदानको व्यवस्था गर्न लागेको जानकारी दिए । मन्त्री थापाले संस्थाले कास्की जिल्लामा स्थापनाको छोटो अवधिमै जिल्लामा उत्कृष्ठ संस्थाको पहिचान बनाएको र सहकारी एकीकरणको अभियानमा समेत नेतृत्वदायी भूमिका खेलेको उल्लेख गरे । आगामी दिनमा संस्थाले प्रदेश सरकारको नीति तथा कार्यक्रमको कार्यान्यन सहयोगी भूमिका खेल्नेमा अपेक्षा राख्दै सहकारी एकिकरण पश्चात सम्पूर्ण सहकारी सदस्यहरुको हितमा सहकारी अगाडी बढोस् भन्ने शुभकामना व्यक्त गरे ।

गण्डकी प्रदेश भुमि व्यवस्था, कृषि तथा सहकारी मन्त्रालयका सहकारी माहाशाखा प्रमुख बद्रीनाथ अधिकारीले श्री बिहानी सहकारी एकिकरण अभियानमा उल्लेखनीय योगदान पुर्‍याएको र धेरै सदस्य आबद्ध भएको संस्था र प्रबिधि मैत्री सेवा दिने बिषयमा प्रदेशकै उत्कृष्ट सहकारी बनेको बताए ।

श्री बिहानी सहकारीका संस्थापक अध्यक्ष रामचन्द्र शर्माले सहकारी एकिकरण र सदस्यहरुको व्यवसायिकता, सम्बन्धी भनाइ राखेका थिए। कार्यक्रममा तुलसी मेहेर बचत तथा ऋण सहकारी संस्थाका अध्यक्ष श्री अम्बिका बुढाथोकी, माझठाना उपभोक्ता सहकारी संस्थाका अध्यक्ष श्री दिपक तिवारी, सहकारी अध्यक्ष समाज नेपालका अध्यक्ष श्री डिल्लीराम बरालले शुभकामना मन्तव्य राखेका थिए।

श्री बिहानी सहकारीका अध्यक्ष धर्मराज भण्डारीको अध्यक्षतामा भएको कार्यक्रमको स्वागत मन्तव्य उपाध्यक्ष हरिकृष्ण तिवारीले राखेका थिए भने सञ्चालन सचिव सुनबाबु अधिकारीले गरेका थिए।

प्रेम गिरीले सहकरीको सात सिद्धान्त वाचन गरेका थिए।

एकिकरण पश्चात संस्थाले यज्ञप्रसाद तिवारी उपभोक्ता सहकारीको तर्फबाट सञ्चालकमा तुलसी मेहेर सहकारीबाट सल्लाहकारमा अम्बिका बुढाथोकी मनोनित गरिएको छ।

एकीकरण पश्चात श्री बिहानी बचत तथा ऋण सहकारी संस्थाको नामबाट हेम्जा, विरौटा, तालचोक, माझठाना र केन्द्रिय कार्यालय सहित पाँच ठाउँबाट सेवा दिनेछ भने पाँच हजार सात सय शेयर सदस्य पुगको र एटिएम सुविधा दिइएको कार्यकारी अधिकृत पदमलाल अधिकारीले जानकारी दिए।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width