सिडी विजयद्वारा विक्रमलाई भोट अपील

आदर्श समाज सम्वाददाता
पौष ५, २०७५
bikram_Fotor

पोखरा, ४ मंसिर । ‘दि भ्वाइस अफ नेपाल’ विजेता सिडी विजय अधिकारीले पोखराकै बिक्रम बराललाई ‘नेपाल आइडल’ बनाउन भोट अपील गरेका छन् ।

जितपछि पोखरा आएका अधिकारीले आफ्ना प्रशंसकलाई धन्यवाद दिँदै पोखरामा अर्को उपाधि भित्र्याउन बिक्रमलाई भोट दिन अपील गरेका हुन् । एपी वान टेलिभिजनबाट प्रसारण हुँदैआएको गायन प्रतियोगिता नेपाल आइडलको फाइनल शुक्रबार काठमाडौंमा हुँदैछ ।

बिक्रम बराल जिताऔं अभियान समितिले बुधबार आयोजना गरेको पत्रकार सम्मेलनमा अधिकारीले बराललाई जिताउन सहयोगार्थ ५० हजार रुपैयाँ समेत हस्तान्तरण गरे। अधिकारी कान्तिपुर टेलिभिजनबाट प्रसारित गायन प्रतिष्पर्धामा यसै हप्ता विजेता बनेका हुन् ।

‘हामी पोखरामा एउटै स्कूल कलेजमा पढेका थियौं,’ अधिकारीले भने, ‘बिक्रम बराल राम्रो प्रतिभा भएका गायक हुन् । जसरी बिक्रम बराल सहयोग समिति मेरो जितमा सम्मिलित हुनुभयो, त्यसरी नै उनलाई  आइडल बनाउन म लागिपनेछु ।’

यस्तै बिक्रमलाई नेपाल आइडल बनाउन नीलिमा थापामगर सहयोग समितिबाट ५ हजार रुपैयाँ संयोजक विनित जोजिजुले हस्तान्तरण गरे। रुपाकोट सुनचाँदी दोकान महेन्द्रपुलबाट ५० हजार भोट बराबरको रकम हस्तान्तरण गरिएको छ।

त्यस्तै, भक्ति संगीत नेपालबाट ५ हजार रुपैयाँ सहयोग गरिएको छ। बिक्रमका बुबा सन्तरामले सहयोगप्रति धन्यवाद दिए । छोराले नेपाल आइडलको ताज उचालेको हेर्ने रहर छ, उनले भने।

बिक्रमलाई मोवाइलमा ०३ टाइप गरी ३१००९ मा एसएमएस गर्न सकिन्छ । रेष्पेक्ट एण्ड राइज मार्फत पनि उनलाई भोटिङ गर्ने सुविधा छ । बिक्रमलाई जिताउन भोटिङअन्तर्गत निर्णायकको ३३ प्रतिशत, रेष्पेक्ट एण्ड राईजको ३३ प्रतिशत र मोबाइल एसएमएसमार्फत ३३ प्रतिशत भोट आवश्यकता रहेको अभियान समिति महासचिव मनकुमार श्रेष्ठले बताए।

कार्यक्रममा बिक्रम बराल जिताउ अभियान समितिले गायक अधिकारीलार्ई सम्मान गरेको थियो।

समिति संयोजक नवराज बरालको अध्यक्षतामा भएको कार्यक्रममा सिडी विजय जिताऔ अभियान समिति संयोजक पदमराज ढकाल लगायतको उपस्थिति थियो।

Related News

सम्बन्धित समाचार

  • कुलपति हुँदाको बैठक भत्ता भानु वाङमय अक्षयकोषलाई दिए पदमराजले

    आदर्श समाज सम्वाददाता असार ३१, २०८१
    पोखरा । पोखरा प्रज्ञा प्रतिष्ठानका कुलपति पदमराज ढकालले आफ्नो कार्यकालको बैठक भत्ता भानु वाङ्मय प्रतिष्ठान अक्षयकोषका लागि प्रदान गरेका छन्…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • नानुमैया दाहालको मुक्तक संग्रह लोकार्पण

    आदर्श समाज सम्वाददाता असार २२, २०८१
    विराटनगर । नेपाल मुक्तक प्रतिष्ठान कोशी प्रदेश शाखाको आयोजनामा मुक्तककार नानुमैया दाहालको पहिलो मुक्तकसङ्ग्रह “खुला आकाशमुनि”  असार २२ गते विराटनगरमा लोकार्पण…
  • अपेक्षा बनिन् मिस एसइई गण्डकी

    आदर्श समाज सम्वाददाता असार १६, २०८१
    पोखरा, १६ असार । मिस एसइई गण्डकी सिजन–४ को उपाधि अपेक्षा अधिकारीले जितेकी छन् । शनिबार पोखरामा भएको ग्राण्ड फिनालेमा…
  • श्रष्टा बानियाँलाई सूर्यनारायण पुरस्कार अर्पण

    आदर्श समाज सम्वाददाता असार ११, २०८१
    म्याग्दी । मदन पुरस्कार विजेता ‘महारानी’ उपन्यासका लेखक चन्द्रप्रकाश बानियाँलाई ‘सूर्यनारायण पुरस्कार’ अर्पण गरिएको छ । सूर्यनारायण पुरस्कार संस्थाद्वारा सोमबार…

hero news full width