पोखरा, २६ मंसिर। गण्डकी विकास बैंकले दाङको तुलसीपुरमा बिस्तार गरेको शाखाको औपचारिक समुद्घाटन गरेको छ।

शाखाको तुलसीपुर उपमहानगरपालिकाका मेयर घनश्याम पाण्डेले समुद्घाटन गरे।

अतिथि पाण्डेले गण्डकी विकास बैंकले तुलसीपुरका नगरबासी एवं ग्रामिण क्षेत्रका जनताको घर दैलोसम्म वित्तिय सेवा पुर्‍याउदै जनताको सहयोगी बन्न सकोस् भन्ने धारणा राखे।

कार्यक्रममा बैंकले प्रदान गर्ने सेवा सुविधा एवं बैंकको गतिविधिका बारेमा जानकारी गराउँदै बैंकका प्रमुख कार्यकारी अधिकृत रेशम बहादुर थापाले बैंकले केन्द्रीय कार्यालयसहित देशका ७७ शाखा कार्यालयमार्फत् सेवा प्रदान गरेको बताए।

थापाले बैंकले आ.व. २०७५/७६ को प्रथम त्रैमासमा संचालन मुनाफा रु. १५ करोड ३० लाख आर्जन गर्न सफल भएको, निक्षेप रु. २३ अर्ब ७२ करोड र कर्जातर्फ रु.२१ अर्ब २४ करोड पुर्‍याएको सो अवसरमा जानकारी गराए।

बैंकका सञ्चालक कृष्णबहादुर थापा क्षेत्रीको अध्यक्षतामा सम्पन्न सो कार्यक्रममा तुलसीपुर उद्योग वाणिज्य संघका अध्यक्ष वीरबहादुर राउत (वीर), राप्ती बवई क्याम्पसका सहायक क्याम्पस प्रमुख सूर्य शर्मा, हाम्रो पहुँच बहुउद्देश्यीय सहकारी संस्थाका अध्यक्ष शुक्रराज भण्डारीले शुभकामना मन्तव्य राखेका थिए।