एनएस ललितकला पुरस्कार सरितालाई

आदर्श समाज सम्वाददाता
मंसिर २०, २०७५
NS Puraskar

पोखरा, १९ मंसिर। एनएस ललितकला पत्रकारिता पुरस्कारबाट पत्रकार सरिता तिमिल्सिना पंगेनी सम्मानित भएकी छन् ।

एनएस क्लब पोखराले महेन्द्रपुलस्थित पोखरा आर्ट ग्यालरीमा आयोजना गरेको राष्ट्रिय कला एप प्रतियोगिता तथा प्रदर्शनी अवसरमा बुधवार उनलाई सम्मान गरेको हो।

समारोहका प्रमुख अतिथि स्वतन्त्र पत्रकार संघ नेपालका राष्ट्रिय अध्यक्ष कृष्णप्रसाद बास्तोलाले उनलार्ई ११ हजार ५ सय ५५ रुपैयाँ नगदसहित सम्मानपत्र प्रदान गरी सम्मान गरेका हुन्। सम्मानित पत्रकार पंगेनी पोखरा पोष्ट अनलाइनकी सम्पादक हुन् ।

यसैबीच, चित्रकला प्रतियोगितामा दश जोड दुर्इतर्फ हिलपोइन्ट बोर्डिङकी अविल गुरुङ प्रथम, पोखराका निश्चल गुरुङ द्वितीय र बाँकेका सागर क्षत्री तृतीय भए । हिलपोइन्ट बोर्डिङकी श्वेता भूर्तेल र पोखराकी नीशा पुनले शान्त्वना पुरस्कार हात पारे।

आदर्श समाज दैनिकका प्रधानसम्पादकसमेत रहेका प्रमुख अतिथि बास्तोलाले उनीहरुलाई अवार्ड तथा प्रमाणपत्र प्रदान गर्दै कलाकारको जायज माग राज्यले सम्बोधन गर्नुपर्नेमा जोड दिए । उनले कलाकारले चित्रमात्र कोर्ने नभइ कला प्रबर्द्धन र आफूहरुको जीवीकोपार्जनबारे सोच्नसमेत आग्रह गरे।

हिमाञ्चल बोर्डिङ स्कूलका सह-प्राचार्य निर्मल भण्डारीले कला र गलाको समाजमा ठूलो योगदान रहने भएकाले चित्रकला प्रतियोगितालाई निरन्तरता दिन आग्रह गरे।

सम्मानित पत्रकार पंगेनीले सम्मानबाट गौरवान्वित महसुस भएको जनाइन्।

उनले राज्यले कला प्रबर्द्धनका लागि कार्यक्रम ल्याउनुपर्नेमा समेत जोड दिइन्।

एनएस क्लब पोखराका अध्यक्ष विकास गुरुङको अध्यक्षतामा भएको कार्यक्रम सचिव विजय गुरुङले संचालन गरेका थिए।

गत शनिबारदेखि शुरु प्रदर्शनीमा कुलपति, प्राज्ञ, विज्ञ वरिष्ठ कलाकार, युवादेखि मन्टेसरीमा अध्ययनरत विद्यार्थीको गरी २ सय ८ जनाका २ सय ५० वटा कलाकृति राखिएका छन्।

Related News

सम्बन्धित समाचार

  • ‘केपी ओली’ नामक भिडियो सार्वजनिक

    आदर्श समाज सम्वाददाता कार्तिक २२, २०७९
    पोखरा, २२ कात्तिक । राष्ट्रिय युवा संघ नेपाल गण्डकी प्रदेश सहसंयोजक विकास अधिकारीले चुनाव केन्द्रित ‘केपी ओली’ नामक गीति भिडियो…
  • लेखक संघ गण्डकीमा ईश्वरमणि अधिकारी

    आदर्श समाज सम्वाददाता कार्तिक २०, २०७९
    पोखरा ।  नेपाली लेखक संघ गण्डकी प्रदेशको प्रथम अधिवेशन तथा गण्डकी काव्य गोष्ठी सम्पन्न भएको छ । अधिवेशनले डा. ईश्वरमणि…
  • मुकुन्दशरणलाई माधव वियोगी पुरस्कार

    आदर्श समाज सम्वाददाता कार्तिक २०, २०७९
    पोखरा । पोखरेली स्रष्टा छन्दनायक एवं महाकाव्यकार माधव वियोगीको नाममा स्थापित माधव वियोगी साहित्य पुरस्कार कविवर मुकुन्दशरण उपाध्यायलाई प्रदान गरिने…
  • गण्डकी बहुप्राविधिक शिक्षालयमा वादविवाद सम्पन्न

    आदर्श समाज सम्वाददाता कार्तिक १७, २०७९
    पोखरा । गण्डकी बहुप्राविधिक शिक्षालय, भण्डारढिकमा वादविवाद प्रतियोगिता सम्पन्न भएको छ । ‘सामाजिक सञ्जाल अभिशाप नभई वरदान’ शीर्षकमा सो वादविवाद…
  • तमु कलाकारलाई नौमती बाजा सहयोग

    आदर्श समाज सम्वाददाता कार्तिक १४, २०७९
    पोखरा, १४ कात्तिक । तमु कलाकार संघ नेपाल, गण्डकीलाई नौमती बाजा सहयोग प्राप्त भएको छ । समाजसेवी तथा लोकसंस्कृतिप्रेमी तेजबहादुर गुरुङको…

hero news full width

Recent Posts

भर्खरै

trending post

ट्रेन्डिङ्ग