पोखरा, १२ मंसिर । पर्वत कुश्मामा केन्द्रीय कार्यालय रहेको जनसेवी लघुवित्त वित्तीय संस्था लि.ले चालु आर्थिक वर्षको पहिलो त्रैमासमा ३२ लाख बराबरको मुनाफा आर्जन गरेको छ।
दश जिल्ला कार्यक्षेत्र रहेको संस्थाले हाल २१ वटा शाखा कार्यालय मार्फत लघुवित्त सेवा प्रवाह गरी रहेको छ। हाल यस वित्तीय संस्थाको अधिकृत पुँजी ३० करोड, जारी पुँजी १४ करोड रहेको छ भने चुक्ता पुँजी ९ करोड ८० लाख रुपैयाँ रहेको संस्थाका प्रमुख कार्यकारी अधिकृत कमल खत्रीले बताए।
संस्थाले गरिब तथा न्यून आय भएको जनसमुदायमा समूह विस्तार गरी १२ हजार २ सय ४६ जना ग्राहक सदस्यबाट चालु आवको कात्तिक मसान्तसम्म १४ करोड ३६ लाख रुपैयाँ बचत संकलन गरेको छ भने ७ हजार ३ सय ४७ जना सदस्यलाई १ अर्ब ४४ करोड ४३ लाख रुपैयाँ कर्जा प्रवाह गरेको छ ।
९५ करोड ८३ लाख १३ हजार रुपैयाँ असुली भई हाल ४८ करोड ६० लाख रुपैयाँ लगानीमा रहेको संस्थाले जनायो।
सो वित्तीय संस्थाले सर्वसाधारणका लागि ४ करोड ६३ लाख ३० हजार रुपैयाँ बराबरको सेयर निस्कासन गर्न धितोपत्र बोर्डमा स्वीकृतिका लागि निवेदन दर्ता गरिसकेको जनायो ।
संस्थाको कार्यक्षेत्र हाल पर्वत, बागलुङ, म्याग्दी, रुकुम, रोल्पा, गोरखा, तनहुँ, लमजुङ, कास्की र गुल्मी हुन् । संस्थाले कार्यक्षेत्रभित्र शाखा विस्तार गरी हालसम्म २५ वटा शाखा कार्यालय पुर्याइसकेको छ। निकट भविष्यमै स्याङ्जा, पाल्पा, मकवानपुर, दाङ र चितवनमा विस्तार गर्ने योजना छ ।
Related News
सम्बन्धित समाचार
नागरिक लगानी कोषको पोखरा शाखा देशभरमै उत्कृष्ट
उद्योग वाणिज्य महासंघमा अञ्जन श्रेष्ठको उम्मेदवारी
चौध अर्ब ३१ करोड अनुदान सहायता स्वीकार
ग्रीन डेभलपमेन्ट बैंकको प्रमुख कार्यकारी अधिकृतमा हरिबहादुर बुढाथोकी
उद्योग वाणिज्य महासंघ चुनाव : पोखराका अञ्जन श्रेष्ठको टिम घोषणा
hero news full width
मुख्य समाचार
प्रधानमन्त्री प्रचण्डले पाए विश्वासको मत, पक्षमा १७२ सांसद
रासायनिक मलमा दिँदै आएको अनुदान यथावत राख्ने सरकारको निर्णय
चैत्र ६, २०७९उपराष्ट्रपति यादवले लिए पद तथा गोपनीयताको शपथ
चैत्र ६, २०७९माइनस डिग्रीमा माछा उत्पादन
चैत्र ६, २०७९सरकारकै कारण न्यायालय नेतृत्वविहीन : बार अध्यक्ष घिमिरे
चैत्र ५, २०७९निर्वाचन आयोगले राष्ट्रपति समक्ष बुझायो उपराष्ट्रपति निर्वाचन प्रतिवेदन
चैत्र ५, २०७९