सफल पोखरा एक्स्पो तयारी पूरा

आदर्श समाज सम्वाददाता
मंसिर १२, २०७५

पोखरा, ११ मंसिर । पोखरामा विहीवारदेखि सञ्चालन हुन लागेको ‘सफल पोखरा एक्स्पो’ तयारी पूरा भएको छ ।

पोखरा उद्योग वाणिज्य संघको आयोजनामा मंसिर १३-२४ गतेसम्म हुने सफल पोखरा एक्स्पो तथा तेस्रो मोवाइल मेला तयारी पूरा भएको संघले मंगलबार आयोजित पत्रकार सम्मेलनमा जनाएको हो ।

‘लगानीको सम्बर्द्धन : उद्योग व्यवसायको प्रबर्द्धन’ भन्ने मूल नारासहित संघले नयाँबजारस्थित प्रदर्शनीकेन्द्रमा एक्स्पोको आयोजना गर्न लागेको हो । यसअघि गर्दै राष्ट्रिय औद्योगिक व्यापार मेलाको नाउँमा हुँदै आएको मेलाको परिष्कृत रुप यस वर्षदेखि सफल पोखरा एक्स्पो साथमा तेस्रो मोवाइल मेला हो ।

संघ अध्यक्ष दामु अधिकारीले एक्स्पो सफल बनाउन कुनै कसर बाँकी नराख्ने प्रतिबद्धता जनाए । एक्स्पोलार्ई लक्ष्मी हाउसले सहयोग गरेको छ । मोवाइल बितरक संघ पोखराले विगतमा जस्तै यस वर्षपनि एक्स्पोसँगै सहकार्य गर्दैछ ।

मुख्यमन्त्री पृथ्वीसुब्बा गुरुङले एक्स्पो तथा मोवाइल मेलाको उद्घाटन गर्ने कार्यक्रम छ । मेलाको उद्घाटनपूर्व विहीवार संघको सचिवालय गैर्‍हापाटनबाट प्रदर्शनीकेन्द्रसम्म विभिन्न आमा समूह, जातजाति तथा उद्योगी, व्यवसायीहरुको साँस्कृतिक झाँकीसहित प्रभातफेरी गरिने छ ।

सांस्कृतिक कार्यक्रमसहित औद्योगिक उत्पादन लगायत करिब ३ सय स्टल र बाल उद्यान एक्स्पोको मुख्य आकर्षण रहने संघका अध्यक्ष अधिकारीले जानकारी दिए । कुल स्टलमध्ये २० वटामा औद्योगिक उत्पादनका सामग्रीहरु प्रदर्शनीका लागि राखिनेछ ।

सांस्कृतिक कार्यक्रमतर्फ लोकदोहरी प्रतियोगिता, नेपालका ख्यात्रि्राप्त ब्याण्डको प्रस्तुति, विद्यालयस्तरीय लोकनृत्य, रत्यौली, पप कर्न्र्सट, हास्य कलाकारको प्रस्तुति, प्रवेश टिकटमा दैनिक पुरस्कार व्यवस्था, बम्पर पुरस्कार, उत्कृष्ट स्टललाई पुरस्कार, चमेनागृह, बाल उद्यान एक्स्पोको विशेष आकर्षण रहने जनाइएको छ ।

एक्स्पोमा राष्ट्रिय तथा अन्तर्राष्ट्रिय उत्पादन, दैनिक उपभोग्य खाद्यवस्तु, लत्ताकपडा, पुष्प प्रदर्शनी, हस्तकला सामाग्री, अटो प्रदर्शनी, महिलाद्धारा उत्पादित सामग्री विशेष छुटमा पाइनेछ ।  यस्तै, विभिन्न ब्राण्डका मोवाइल फोन तथा इलेक्ट्रोनिक सामान मेलाको थप आकर्षण रहने छ । मोवाइल मेलाअन्तर्गत एक्स्पोमा १२ वटा विभिन्न ब्राण्डका मोवाइल स्टल रहनेछन् ।

करिब २ लाख दर्शकले एक्स्पोको अवलोकन गर्ने अनुमान छ । एक्स्पोबाट आम्दानी ९० लाख र ६० लाख खर्च तथा ३० लाख बचत हुने आयोजकको लक्ष्य छ ।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width