पोखरा, ४ मङ्सिर । चीनको हाइनान प्रान्तको  चाइना काउन्सिल फर इण्टरनेसलन टे्रड ( सिसिपिआइटी) र नेपाल उद्योग वाणिज्य महासंघ गण्डकी प्रदेशबीच द्धिपक्षीय व्यापार प्रवर्द्धनको लागि एक समझदारी भएको छ ।

समझदारी पत्र एमओयुमा नेपाल उद्योग वाणिज्य महासंघ गडकी प्रदेशका अध्यक्ष संजिवबहादुर कोइराला र हाइनान सीसीपीआइटीका उपाध्इक्ष चेङ होङलिङले हस्ताक्षर गरेका हुन् ।

सहमति पत्रमा दुबै पक्षले एक अर्कासँग सहकार्य गर्ने, गण्डकी प्रदेश तथा हाइनान प्रान्तको निजी क्षेत्रबीच व्यवसायिक भ्रमणहरुलाई बढावा दिने, लगानी बढाउने तथा व्यापारमा सहुलियत र कर छुटको व्यवस्था मिलाउनेलगायतका बुँदाहरु समेटिएका छन् ।

नेपाल उद्योग वाणिज्य महासंघ गण्डकी प्रदेश, पोखरा उद्योग वाणिज्य संघ तथा हाइनान सीसीपीआइटीद्धारा आयोजित कार्यक्रममा बोल्दै सीसीपीआइटीका उपाध्यक्ष चेङ होङलिङले यो सहमतिपछि द्धिपक्षीय सहयोगको ढोका खुलेको बताए ।

समुन्द्रको किनारामा रहेको हाइनान प्रान्त ठूला औद्योगिक प्रदर्शनीको लागि प्रख्यात रहेको बताउँदै उनले त्यस्ता प्रदर्शनीमा भाग लिन पोखराका व्यवसायीहरुलाई आग्रह गरे । पोखराका उत्पादनहरुलाई कर छुटको व्यवस्था गरिने प्रतिवद्धतासमेत जनाए ।

कार्यक्रममा बोल्दै नेपाल उद्योग वाणिज्य महासंघ गण्डकी प्रदेशका अध्यक्ष संजिवबहादुर कोइरालाले पोखरा र गण्डकी क्षेत्रको जलश्रोत, कृषि, भौतिक निर्माण, पर्यटनलगायतको क्षेत्रमा लगानी गर्न चिनिया पक्षलाई आग्रह गरे । नेपालमा आउने पर्यटकहरुको संख्या बढ्दै गएको तथ्य पेश गर्दै कोइरालाले पर्यटन उद्योगमा गरिने लगानीले छिटो प्रतिफल दिने पनि उनको धारणा थियो ।  कार्यक्रममा बोल्दै पोखरा उद्योग वाणिज्य संघका अध्यक्ष दामु अधिकारीले पोखरामा चिनिया पर्यटकहरुको संख्या बढेजस्तै चिनिया लगानी पनि बढ्नुपर्नेमा जोड दिए । उनले पोखरा उद्योग वाणिज्य संघको पहलमा गतवर्ष चिनिया नयाँ वर्षमा साँस्कृतिक कार्यक्रम आयोजना गरिएको स्मरण गर्दै द्धिपक्षीय हितका धेरै विषयमा सहकार्य गर्न पोखरा उद्योग वाणिज्य संघ तयार रहेको धारणा राखे ।

महानगर उपप्रमुख-चिनिया व्यवसायी भेट

चिनका विभिन्न शहरका प्रमुख र ब्यवसायीहरुको भ्रमण पोखरामा पछिल्लो समय बढेको छ । देशमा राजनीतिक स्थिरता र लगानीको वातावरण सृजना भएसँगै पोखराको पर्यटनमा चिनियाँहरु आकषिर्त भएका छन् ।

पोखराको पर्यटनमा लगानी गर्न उनीहरुले चासो देखाएका हुन् । पर्यटन र औद्योगिक क्षेत्रमा लगानी गर्न उनीहर्रु इच्छुक देखिएका छन् । पोखरामा पछिल्लो समय इपिन शहर, हाइनान प्रदेशका उपाध्यक्ष, हाइनान प्रान्तको हाइकाओ नगरपालिकाका उपप्रमुख झाङलीसहित त्यहाँका व्यसायीहरुले भ्रमण गरेका छन् ।

पोखरा आएका हाइकाओ शहरका ब्यवसायीको टिमले पोखराको पर्यटन र औद्योगिक क्षेत्रमा लगानी गर्ने र यहाँको प्राविधि शिक्षा, स्वास्थ्यमा सहकार्य गर्नर्र् इच्छुक रहेको बताएका छन् ।  भ्रमणकै क्रममा चीनको हाइनान प्रान्तको हाइकाओ नगरपालिकाको चाइना चेम्वर अफ इन्टरनेशनल कमर्सका भाइस उपाध्यक्ष चेनहोङ लिङ नेतृत्वको ११ जनाको ब्यवसायी टोलीले पोखरा महानगरपालिकाका उपप्रमुख मञ्जुदेवी गुरुङसँग मंगलबार भेट गरेको छ । पोखरा महानगरमा चीनको ब्यवसायीहरुको टोलीलाई  उपप्रमुख गुरुङले ढाकाको टोपी लगाइदिएर स्वागत गरिन् । भेटमा ब्यवसायीहरुले यहाँ पर्यटनको सम्भावना रहेकाले लगानी गर्नर्र् इच्छुक भएको बताए । पोखरा महानगरका उपप्रमुख मञ्जुदेवी गुरुङले पोखरा विश्वकै उत्कृष्ट गन्तब्यभित्र पर्ने भएकाले यहाँको पर्यटन विकासको क्षेत्रमा लागानी गर्न सकिने बताइन् । उनले हाइकाओसंग ब्यापारिक सम्वन्ध कायम गर्न तयार रहेको बताउँदै पर्यटन र कृषिको क्षेत्रमा लगानीको प्रचुर संभावना रहेको औल्याइन् ।

उनले भनिन्- ‘पोखरा पर्यटनको केन्द्र हो ।  लगानीका लागि वातावरण निर्माण गर्न महानगर तयार छ ।’  करिव साता अघि मात्रै पोखरा महानगर र हाइकाओसँगवीच भगिनी सम्वन्ध स्थापना भएको छ । त्यस्तै, गण्डकी प्रदेश र हाइनान प्रान्तबीच पनि भगिनी सम्वन्ध गाँसिएको छ ।  उपप्रमुख गुरुङले पोखरालाई पर्यटकीय हवका रुपमा विकास गर्न महागनर अगाडि बढेको बताइन् । चाइना चेम्वर अफ इन्टरनेशनल कमर्सका भाइस उपाध्यक्ष चेनहोङ लिङले भने, ‘यहाँको पर्यटन र औद्योगिक क्षेत्रमा लगानी गर्न हामी इच्छुक छौ, त्यसको लागि लगानीको वातावरण चाहन्छौ ।’