पोखरा थियटरमा अर्को नाटक

आदर्श समाज सम्वाददाता
कार्तिक ३०, २०७५

पोखरा, २९ कात्तिक। पोखरा थिएटरमा शुक्रबारदेखि ‘अ प्लेस इन माई हर्ट’ नाटक मञ्चन हुँदैछ ।

अमेरिकन थिएटर आर्टिष्ट रिचार्ड क्लोरीमोन्टको निर्देशनमा मञ्चन हुने नाटकमा बबिता मल्ल ठकुरी, देव बस्नेत, धीरेन्द्र पुन, ध्रुव रोका, निश्चल विमल, रेवन राई, सूर्य सुवेदी, योजना पहारीको अभिनय रहनेछ। दश हप्ता लामो रिर्हर्सलपश्चात नाटक तयार भएको थिएटर अध्यक्ष परिवर्तन कार्कीले पत्रकार सम्मेलनमा जानकारी दिए ।

उनका अनुसार नाटक मंसिर ८ गतेसम्म नियमित मञ्चन हुनेछ। एक घण्टा अवधिको नाटकले दर्शकलाई पूर्ण रुपमा मनोरञ्जन प्रदान गर्ने आयोजकको अपेक्षा छ।

विद्यार्थी तथा पर्यटलाई लक्षित गरी यो नाटक मञ्चन गराइने थिएटर अध्यक्ष कार्कीले जनाए। नाटकमा संवाद कम, बडी एक्सप्रेस बढी हुनेछ।

निर्देशक रिचार्डले कथा समेत आफै लेखेका हुन्। नाटक मार्फत पोखरा ्रतिको माया प्रस्तुत गर्न खोजेको उनले बताए। माइम फर्मेटको यो नाटकले दर्शकलाई नयाँ स्वाद सँगै मनोरञ्जन प्रदान गर्ने उनको विश्वास छ।

कलाकार धीरेन्द्र पुन निकै उत्साहित रहेको बताउँछन् । उनले फरक संस्कृतिका कारण शुरुवातमा समस्या भए पनि पछि सहजता मिलेको अनुभव सुनाए ।

नाटकघरमा हालसम्म २० वटा नाटक मञ्चन भइसकेका छन् । नाटक हरेक साँझ ५ बजे नियमित शो र शनिबार दिउँसो १ बजे अतिरिक्त शो हुने थिएटर सञ्चालक दिलप्रसाद गुरुङले जनाए।

Related News

सम्बन्धित समाचार

  • कुलपति हुँदाको बैठक भत्ता भानु वाङमय अक्षयकोषलाई दिए पदमराजले

    आदर्श समाज सम्वाददाता असार ३१, २०८१
    पोखरा । पोखरा प्रज्ञा प्रतिष्ठानका कुलपति पदमराज ढकालले आफ्नो कार्यकालको बैठक भत्ता भानु वाङ्मय प्रतिष्ठान अक्षयकोषका लागि प्रदान गरेका छन्…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • नानुमैया दाहालको मुक्तक संग्रह लोकार्पण

    आदर्श समाज सम्वाददाता असार २२, २०८१
    विराटनगर । नेपाल मुक्तक प्रतिष्ठान कोशी प्रदेश शाखाको आयोजनामा मुक्तककार नानुमैया दाहालको पहिलो मुक्तकसङ्ग्रह “खुला आकाशमुनि”  असार २२ गते विराटनगरमा लोकार्पण…
  • अपेक्षा बनिन् मिस एसइई गण्डकी

    आदर्श समाज सम्वाददाता असार १६, २०८१
    पोखरा, १६ असार । मिस एसइई गण्डकी सिजन–४ को उपाधि अपेक्षा अधिकारीले जितेकी छन् । शनिबार पोखरामा भएको ग्राण्ड फिनालेमा…
  • श्रष्टा बानियाँलाई सूर्यनारायण पुरस्कार अर्पण

    आदर्श समाज सम्वाददाता असार ११, २०८१
    म्याग्दी । मदन पुरस्कार विजेता ‘महारानी’ उपन्यासका लेखक चन्द्रप्रकाश बानियाँलाई ‘सूर्यनारायण पुरस्कार’ अर्पण गरिएको छ । सूर्यनारायण पुरस्कार संस्थाद्वारा सोमबार…

hero news full width