भवन बनाउन सांगीतिक कार्यक्रम

आदर्श समाज सम्वाददाता
कार्तिक १६, २०७५

पोखरा, १५ कात्तिक। नेपाली काँग्रेस वडा इकाइ समिति, माछापुच्छ्रे गाउँपालिका-२, सार्दीखोलाले वीपी स्मृति भवन निर्माण गर्ने भएको छ।

नब्बे लाख रुपैयाँ लागतमा निर्माण हुन लागेको भवनको ७० प्रतिशत काम पूरा भैसकेको निर्माण समितिले जनाएको छ।

भवन निर्माणका लागि बजेट अभाव भएपछि समितिले शनिवार कर्णास सांगीतिक साँझ कार्यक्रम आयोजना गरेको भुर्जुङखोलामा पत्रकार सम्मेलन गरी जानकारी दिइयो।

कुल लागतमध्ये ३० लाख रुपैयाँको जग्गा स्थानीय समाजसेवी तथा सार्दीखोला गाविसका पूर्व अध्यक्ष आशबहादुर गुरुङले दान गरेका छन्। केही निर्माण सामग्री पनि सहयोग पाएकोले अब करिब १२ लाख रुपैयाँ खर्च अपुग भएको इकाइ सभापति गुञ्जमान गुरुले जानकारी दिए। ‘भवन निर्माणको काम अन्तिम चरणमा छ। केही बजेट नपुगेपछि सहयोग उठाउनकै लागि सांगीतिक कार्यक्रम गर्न लागेका हौं,’ उनले भने, ‘कार्यक्रमपछि उठेको रकमले भवनको निर्माण कार्य पूरा हुन्छ। केही महिनाभित्रै काम सकेर उद्घाटन गर्नेछौं।’

उनका अनुसार सांगीतिक कार्यक्रम भुर्जुङखोलास्थित गण्डकी रेन्वो ट्राउट फार्ममा हुनेछ। कार्यक्रममा निःशुल्क प्रवेश हुने र कार्यक्रममै उपस्थित भएकाहरुबाट स्वेच्छिक रुपमा रकम संकलन गरिने गुरुङले बताए। ‘हामीले निमन्त्रणा कार्ड पठाएका छौं। टिकट सिस्टम छैन,’ उनले भने, ‘कार्यक्रममा आएपछि स्वःस्फूत रुपमा सहयोग गर्नुहुन्छ। त्यही सहयोग रकमबाट भवनको बाँकी काम सक्ने हो।’

जतिसक्दो कम खर्चमा कार्यक्रम सकेर रकम धेरै बचाउने उनको भनाइ छ। भवनमा हाल इन्टरनेटको सुविधासहित पुस्तकालय, सेमिनार हल र कार्यालय रहने छ। भविष्यमा संग्रहालयको रुपमा स्थापित गर्ने लक्ष्य सहित काम अघि बढेको सभापति गुरुङले जानकारी दिए।

Related News

सम्बन्धित समाचार

  • गीतकार विनोद गौचनको जन्मजयन्ती

    आदर्श समाज सम्वाददाता जेठ १३, २०८०
    पोखरा । जरोटुप्पो संरक्षण साहित्य समाज नेपालले कवि तथा गीतकार विनोद गौचनको ६९ औं जन्मजयन्ती विविध कार्यक्रमका साथ मनाएको छ…
  • साहित्यकार जनार्दनशरण त्रिपाठीको निधन

    आदर्श समाज सम्वाददाता जेठ ५, २०८०
    पोखरा । साहित्यकार एवं महाकाव्यकार जनार्दनशरणको त्रिपाठीको निधन भएको । लामो समयदेखि बिरामी रहेका त्रिपाठीकी शुक्रबार बिहान साढे ४ बजे…
  • आमा २ पुस्तक विमोचन

    आदर्श समाज सम्वाददाता जेठ ४, २०८०
    पोखरा । गण्डकी प्रदेश सभा सदस्य प्रकाश बरालले जिउँदो इतिहासका रुपमा रहेका आमाबुवा राष्ट्रका अमूल्य सम्पत्ति भएको बताएका छन् ।…
  • लेखनाथ कविता प्रतियोगितामा दीपिन पहिलो

    आदर्श समाज सम्वाददाता वैशाख ३१, २०८०
    पोखरा । लेखनाथ कविता प्रतियोगितामा दैलेखका दीपिन सिजापति प्रथम भएका छन् । यस्तै, रुपन्देहीका गोपालप्रसाद आचार्य द्वितीय, कपिलवस्तुकी जोशिका कँडेल…
  • नेपाली नाटकको अस्तित्व खोजी

    आदर्श समाज सम्वाददाता वैशाख ३१, २०८०
    पोखरा । नेपाल नाट्यप्रतिष्ठानको आयोजनामा नेपाली नाटकको प्रथम अन्तर्राष्ट्रिय सेमिनार शनिबार समापन भएको छ । पोखरामा ३ दिनसम्म चलेको सेमिनारको समापनमा…

hero news full width