कालिका लघुवित्तको शाखा व्यवस्थापन तालिम

आदर्श समाज सम्वाददाता
असाेज १२, २०७५
Kalika Laghubitta Manager Training photo

पोखरा, ११ असोज । कालिका लघुवित्त वित्तीय संस्था लि.ले आफ्ना ६१ जना शाखा प्रबन्धकलाई शाखा व्यवस्थापनको तालिम दिएको छ।

पोखरामा ३ दिनसम्म चलेको सो तालिममा ओम डेभलपमेन्ट बैंकका कर्जा असुली विभागका बुद्धिसागर भण्डारी, निक्षेप तथा कर्जा सुरक्षण कोष पोखरा शाखाका विदुर पराजुली, सहायक प्रमुख कार्यकारी अधिकृत शिवराम जोशी तथा आन्तरिक लेखापरीक्षण विभागका निर्मल गौतमले सहजीकरण गरेका थिए।

तालिम उद्घाटन गर्दै संस्थाका संस्थापक अध्यक्ष चन्द्रबहादुर बस्नेतले कर्मचारीहरुको क्षमता अभिवृद्धिको लागि यसप्रकारका तालिमलाई निरन्तरता दिनुपर्ने बताए ।

कुल ६१ वटा शाखा सञ्जाल विस्तार गरी लघुवित्त सेवा दिइरहेको सो संस्थाले चालु आवमा ९९ वटा शाखा विस्तार गर्ने लक्ष्य राखेको जनाएको छ।

गत आवमा १ सय २० करोड रुपैयाँ’ लगानी रहेको कर्जा चाल आवके अन्त्यसम्म २ सय २० करोड रुपैयाँ लगानी पुर्‍याउने लक्ष्य राखेको संस्थाका प्रमुख कार्यकारी अधिकृत मीनबहादुर बोहराले बताए।

नेपाल राष्ट्र बैंकबाट राष्ट्रियस्तरको मान्यता प्राप्त भइसकेपछि देशभर सेवा विस्तार गर्न लागिएको प्रमुख कार्यकारी अधिकृत बोहराले बताए।

कार्यक्रममा  संस्थाका सञ्चालक बासुदेव पौडेल, केन्द्रिय कार्यालयका सूचना प्रविधि विभाग प्रमुख अनुप श्रेष्ठ, प्रशासन विभागका भेषराज गैह्रे, लेखा विभागका अस्मिता शर्मा, कर्जा विभागका प्रकाशबहादुर बोगटी लगायतको सहभागिता थियो।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width