मिस कल्चरको ट्यालेन्ट राउण्ड

आदर्श समाज सम्वाददाता
असाेज ९, २०७५
miss

पोखरा, ८ असोज। पुष्पाञ्जली फेसन एण्ड इभेन्ट प्रालिद्वारा आयोजित पाँचौ मिस कल्चर नेपाल-२०१८ को ट्यालेन्ट राउण्ड सम्पन्न भएको छ।

कार्यक्रममा उत्कृष्ट १९ जना प्रतिस्पर्धीहरूले आ-आफ्नो प्रतिभा प्रस्फुटन गरेका थिए।

प्रमुख अतिथि पोखरा महानगरपालिका वडा ९ का वडाध्यक्ष रामराज लामिछानेले यस्ता कार्यक्रमले समाजको गरिमा बढाउनुको साथै पर्यटकीय नगरी पोखरालाई छुट्टै पहिचान दिने बताउँदै महानगरले पनि साथ दिने प्रतिबद्धता प्रकट गरे।

एप्पल इन्टरनेशनल एजुकेशनको टाइटल स्पोन्सर र सिजी ब्रुअरीको मुख्य प्रायोजनामा हुन लागेको उक्त कार्यक्रमको फाइनल असोज १३ मा हुने कार्यक्रम संयोजक ज्ञानु तामाङले बताइन्।

कार्यक्रममा सिजी ब्रुअरी नेपालका रिजनल सेल्स म्यानेजर सुबोध रिसाल, सिजी फुड्स नेपालका रिजनल सेल्स म्यानेजर गोविन्द शर्मा, एप्पल इन्टरनेशलन एजुकेशनका प्रमुख रुद्र गिरी लगायतले कार्यक्रम सफलताको शुभकामना व्यक्त गरेका थिए।

नारीको अन्तरनिहित प्रतिभा प्रस्फुटन गर्ने, व्यक्तित्व तथा नेतृत्व विकास गर्ने, लोपोन्मुख संस्कृति जर्गेना गर्ने उद्देश्यले कार्यक्रम संचालन गरिएकोले पुष्पाञ्जलीका अध्यक्ष शोभा गौतमले जानकारी दिइन्।

बिजेताले भिजी अटो मोवाईले प्रदान गर्ने सुजुकी स्कूटर र उपविजेताले सिजी ब्राण्डको टिभी प्राप्त गर्ने छ । ट्यालेन्ट राउण्ड निर्णयकमा चलचित्रकर्मी तथा नृत्य निर्देशक राहुल थापामगर, नृत्य निर्देशक श्याम सिंह, मोडल गीता जिसी थिए ।  कार्यक्रम संचालन पुष्पाञ्जलीका मार्केटिङ म्यानेजर दिनेश शर्माले गरेका थिए भने संयोजक ज्ञानु तामाङले धन्यवाद ज्ञापन गरेकी थिइन्।

Related News

सम्बन्धित समाचार

  • बंगलादेशमा घन्कियो रेशम फिरिरी …

    आदर्श समाज सम्वाददाता चैत्र ५, २०७९
    पोखरा ।  बंगलादेश–नेपालको कुटनीतिक सम्बन्ध स्थापनाको सन्दर्भमा नेपाली कला प्रदर्शनी तथा सांस्कृतिक कार्यक्रम भएको छ । फागुन ३० देखि चैत…
  • ‍‍‍‍‍‌‌‌… अनि दुर्गा बराल बने वात्स्यायन‍‍‍

    रूपनारायण ढकाल चैत्र ४, २०७९
    पोखरा ।  नेपाली चित्रकलाजगत्का शीर्षस्थ प्रतिभा कलाकार दुर्गा बराल ‘वात्स्यायन’ आजदेखि ८१ वर्षमा प्रवेश गरेका छन् । चित्रकलाका यीनै हस्ती…
  • वात्स्यायनको अभिनन्दन तथा रथारोहण

    आदर्श समाज सम्वाददाता चैत्र ४, २०७९
    पोखरा । कलाकार दुर्गा बराल ‘वात्स्यायन’ को पोखरामा शनिबार नागरिक अभिनन्दन तथा रथारोहण भएको छ ।  पोखरेली कलाकार वात्स्यायनको सम्मानमा …
  • देवुको ‘अव्यक्त पीडा’ र ‘दोषी नजर’ लोकार्पण

    आदर्श समाज सम्वाददाता फागुन २७, २०७९
    पोखरा । साहित्यकार देवेन्द्र केसी ‘देवु’ को अव्यक्त पीडा (मुक्तक संग्रह) र दोषी नजर (गीति एल्बम) शुक्रबार लोकार्पण भयो ।…
  • रत्नमानको ३ भाषाको पुस्तक

    आदर्श समाज सम्वाददाता फागुन २१, २०७९
    पोखरा । शिक्षासेवी रत्नमान गुरुङले नेपाली, अग्रेजी र गुरुङ भाषासम्बन्धी पुस्तक बजारमा ल्याएका छन् । उनको पहिलो कृति ‘भाषा, व्याकरण…

hero news full width