रिजनल-बीएण्डबी साझेदारी

आदर्श समाज सम्वाददाता
असाेज ८, २०७५
Regional_Hospital_&_B_&_B_Hospital

पोखरा, ७ असोज। रिजनल हस्पिटल, पोखरा र बीएण्डबी हस्पिटल, ललितपुरबीच उच्चस्तरीय स्वास्थ्य सेवा प्रदान गर्ने उद्देश्यले साझेदारी भएको छ ।

रिजनल हस्पिटलतर्फबाट डा जगतबहादुर खड्का र वरिष्ठ न्यूरो सर्जन प्राडा जगदीशलाल वैद्य, वरिष्ठ अथोर्पेडिक विशेषज्ञ प्राडा अशोककुमार बास्कोटाले एक समारोहबीच साझेदारीमा संयुक्त हस्ताक्षर गरे।

चिकित्साशास्त्रमा बीएण्डबीले भित्राएको पद्धति र प्रविधि रिजनल हस्पिटलले अनुकरण गर्ने उद्देश्यले साझेदार गरिएको रिजनल हस्पिटलका अध्यक्ष डा जगतबहादुर खड्काले बताए।

डा खड्काले सक्दो स्वास्थ्य सेवा रिजनल अस्पतालले प्रदान गर्ने बताए। जटिल किसिमको बिरामीका लागि बीएण्डबीमा रेफर गरिने डा खड्काको भनाइ थियो।

बीएण्डबीका व्यवस्थापक प्राडा जगदीशलाल वैद्यले साझेदारीले रिजनल हस्पिटलबाट उच्चस्तरीय स्वास्थ्य सेवा पाउने विश्वास दिलाए। ‘अस्पताल संचालन गर्नु ठूलो कुरा होइन’, प्राडा वैद्यले भने, ‘सेवाग्राहीले राहत महशुस गर्ने गरी उच्चस्तरीय सेवा पाउनुपर्छ।’

बीएण्डबीमा हाल १३ वटा अपरेशन थियटर रहेको र प्रतिदिन ४० वटा अपरेशन गरिने उनले जानकारी दिए।

बीएण्डबीका वरिष्ठ अथोर्पेडिक विशेषज्ञ प्राडा अशोककुमार बास्कोटाले अस्पताल संचालन गर्नेहरुले सदैव, सेवाभाव, इमान्दारिता र लगनशीलतामा विश्वास गर्नुपर्नेमा जोड दिए। आफूहरुले प्रतिकूल वातावरणमा सिमित श्रोतसाधनबाट स्वास्थ्य सेवा शुरु गरेको बताउँदै प्राडा बास्कोटाले भने, ‘उच्च किसिमको सेवा प्रदान गर्नु नै अस्पतालको धर्म हुन्छ।’

पोखरा-५ का वडा अध्यक्ष धनबहादुर नेपालीले दुर्इ अस्पतालबीचको साझेदारीले स्वास्थ्य सेवामा थप सुधार र विस्तार हुने विश्वास ब्यक्त गरे।

रिजनल अस्पतालका अध्यक्ष डा जगतबहादुर खड्काको अध्यक्षतामा भएको कार्यक्रममा उक्त अस्पतालका चन्द्रकान्त पौडेलले स्वागत र अर्जुनप्रसाद शर्माले संचालन गरेका थिए।

Related News

सम्बन्धित समाचार

  • घामपानी सहकारीको वार्षिक साधारणसभा

    आदर्श समाज सम्वाददाता असाेज १५, २०८०
    पोखरा ।  घामपानी बचत तथा ऋण सहकारी संस्थाको नवौं वार्षिक साधारणसभा शुक्रबार सम्पन्न भएको छ । संस्थाका अध्यक्ष वीरेन्द्र नारायण…
  • पाल्पा हाउस प्रालिको दोस्रो साधारण सभा

    आदर्श समाज सम्वाददाता असाेज १३, २०८०
    पोखरा । पाल्पाको मौलिक तथा कलात्मक उत्पादन बजारीकरण गर्न पोखराको न्युरोडमा खोलिएको पाल्पा हाउस (पाल्पाली कोसेलीघर) प्रालिको दोस्रो साधारण सभा…
  • गण्डकीमा बिमाको पहुँच निकै कम

    आदर्श समाज सम्वाददाता असाेज १२, २०८०
    पोखरा । गण्डकी प्रदेशभित्र २७.४३ प्रतिशत मानिस बिमाको पहुँचमा छन् । देशभर भने ४४.३८ प्रतिशत मानिस बिमाको पहुँचमा रहेको विमा…
  • पोखरामा सिट्रोनको अत्याधुनिक सोरुम

    आदर्श समाज सम्वाददाता असाेज ११, २०८०
    पोखरा । पोखरामा सिट्रोन कारको शोरुम सञ्चालनमा आएको छ । पोखरा क्षेत्रका लागि आधिकारिक बिक्रेता एसएसएल मोटर्सको सोरुम पोखराको नयाँबजारमा…
  • शीतल सहकारीको १४ औं सभा

    आदर्श समाज सम्वाददाता असाेज ६, २०८०
    पोखरा । शीतल बचत तथा ऋण सहकारी संस्थाको १४ औं वार्षिक साधारण सभा शनिबार भएको छ । पोखरा महानगर सहकारी…

hero news full width

Recent Posts

भर्खरै