सहकारीमैत्री ऐन आउँदै : मन्त्री अर्याल

आदर्श समाज सम्वाददाता
असाेज ७, २०७५
golden saving

पोखरा, ६ असोज । सहकारी तथा गरिबी निवारण मन्त्री पद्माकुमारी अर्यालले सरकार सहकारीमैत्री ऐन, नियमावली तयार र संशोधनक्रममा रहेको बताएकी छन्।

गोल्डेन बचत तथा ऋण सहकारी संस्था लि, पोखराको नवौं वाषिर्क साधारणसभाको शनिबार उद्घाटन गर्दै गर्दै मन्त्री अर्यालले सो कुरा बताएकी हुन् ।

उनले सहकारीहरुलाई बचत संकलन र ऋण प्रवाहमा मात्र सीमित नरही कृषि, व्यापार, पर्यटन, उद्योग लगायतका उत्पादनमूलक क्षेत्रमा लगानी बढाउनुपर्ने सुझाव दिइन् ।

साथै उनले गोल्डेन सकारीलाई नेपालकै उत्कृष्ट सहकारी बन्न सकोस् भन्ने शुभकामना दिँदै सहकारी मार्फत सहकार्य गरी आर्थिक उन्नयन गर्नुपर्ने बताइन्।

गण्डकी प्रदेश सांसद मीनप्रसाद गुरुङले समृद्ध नेपाल सुखि नेपालीको नारालाई साकार पार्न सहकारीको महत्वपूर्ण भूमिका रहने कुरा बताउँदै सहकारीको मूल मर्मबाट विचलित नभई सहकारी संस्थाहरु अगाडि बढ्नुपर्ने बताए। सो अवसरमा संस्थाका अध्यक्ष विष्णुप्रसाद बरालले संस्थाको वाषिर्क प्रतिवेदन र भावी कार्यक्रम प्रस्तुत गरे । यस्तै, कोषाध्यक्ष गोपालबहादुर गुरुङले लेखापरीक्षण प्रतिवेदन तथा कोषाध्यक्षको प्रतिवेदन र लेखा  सुपरीवेक्षण समिति संयोजक मोत्रि्रसाद पौडेलले लेखासुपरीवेक्षण समितिको प्रतिवेदन प्रस्तुत गरे ।कार्यक्रममा संस्थामा विभिन्न योगदान पुर्‍याउने व्यक्तिलाई सम्मान गरियो । सो अवसरमा उत्कृष्ट बचत कारोबार र नियमित कर्जातर्फ ५/५ जना, शेयर सदस्यका छोराछोरीमध्ये एसर्इइमा उत्कृष्ट अंक ल्याउनेहरु ३ जना र दश जोड २ मा उत्कृष्ट अंक ल्याउनेमध्येका २ जनालाई नगदसहित सम्मान गरिएको थियो । स्नातक र स्नातकोत्तर तह उत्तीर्ण गर्ने सहित कुल ४८ जनालाई सम्मानपत्र प्रदान गरियो । नेपाल सरकारबाट प्रवल जनसेवाश्री पदकबाट विभूषित संस्थाका सल्लाहाकार विष्णुप्रसाद खनाल र नेपाल रेडक्रस सोसाइटीबाट उत्कृष्ट शिक्षकनायक घोषित संस्थाका सञ्चालक समिति सदस्य राजेशकुमार घिमिरेलाई पनि सम्मान गरियो। त्यसैगरी संस्थाले यस वर्षको उत्कृष्ट कर्मचारीको रुपमा संस्थाका बजार व्यवस्थापक यामप्रसाद पौडेललाई पुरस्कृत समेत गरेको छ।

कार्यक्रममा कास्की बचत संघका सचिव दीपकप्रकाश आचार्य, जिल्ला सहकारी संघका दीपक बास्तोला, संस्थाका सल्लाहकार संयोजक गुणाखर सापकोटा, सम्मानित विद्यार्थी सृष्टि शर्मा लगायतले बोलेका थिए ।

संस्थाका अध्यक्ष बरालको अध्यक्षतामा सम्पन्न भएको उक्त कार्यक्रममा स्वागत उपाध्यक्ष बालकृष्ण बराल र संचालन सचिव कृष्णप्रसाद पोखरेलले गरेका थिए ।

Related News

सम्बन्धित समाचार

  • दसैंलक्षित भेडाच्याङ्ग्रा पोखरा

    धनबहादुर गुरुङ असाेज ११, २०७९
    पोखरा । जुम्लाका कमानसिंह थामी पोखरा १, जौबारीमा भेडाच्यांग्राको हुलसँगै भेटिन्छन् । गत वर्ष पनि उनी यसरी नै भेटिएका थिए…
  • नेपाल निर्माण व्यवसायी संघको शुभकामना आदानप्रदान

    आदर्श समाज सम्वाददाता असाेज १०, २०७९
    पोखरा, ११ असोज । नेपाल निर्माण व्यवसायी संघ कास्कीले दसैंतिहार, नेपाल संवत् ११४३ तथा छठ पर्व अवसरमा सोमबार शुभकामना आदानप्रदान कार्यक्रम…
  • टुँडिखेलमा ऐतिहासिक दसैं मेला

    आदर्श समाज सम्वाददाता असाेज १०, २०७९
    पोखरा । राष्ट्रिय मावि, पोखराको व्यवस्थापनमा पुरानो टुँडिखेलमा ऐतिहासिक दसैं मेला हुने भएको छ । स्थानीयको आवश्यकता र आर्थिक बिनिमय…
  • व्यवसायीहरुलाई सुरक्षा र सहजता प्रदान गर्न पोउवा संघको माग

    आदर्श समाज सम्वाददाता असाेज ९, २०७९
    पोखरा। पोखरा उद्योग वाणिज्य संघले चाडपर्वमा उद्योगी÷व्यवसायीहरुलाई सुरक्षा र सहजता प्रदान गर्न सरोकारवालासँग आग्रह गरेको छ । संघका अध्यक्ष पवनकुमार…
  • जुग्नु पाउरोटी उद्योगमा छापा

    आदर्श समाज सम्वाददाता असाेज ९, २०७९
    नवलपुर । जुग्नु पाउरोटी उद्योग, प्रगतिनगरमा जिल्ला अनुुगमन समितिले छापा मारेको छ । घरेलुु तथा साना उद्योग कार्यालय र जिल्ला…

hero news full width