वरिष्ठ लोकगायिका कोइरालालाई राष्ट्रिय स्रष्टा सम्मान

आदर्श समाज सम्वाददाता
भाद्र २५, २०७५
FB_IMG_1536486121490

पोखरा, २४ भदौ। सहयात्रा मौलिक स्रष्टा सम्मान-२०७५ बाट पोखराकी वरिष्ठ लोकगायिका हरिदेवी कोइरालालाई सम्मान गरिएको छ। नेपाली मौलिक लोक, कला, भाषा, साहित्य, गायन तथा संकलनमा करिब पाँच दशकदेखि पुर्‍याएको योगदानको कदर गर्दै उनलाई राष्ट्रिय सम्मान गरिएको हो।

सहयात्रा नेपालले राजधानीको राष्ट्रिय नाचघरमा आयोजना गरेको कार्यक्रममा उनलाई कदरपत्र, दोसल्लासहित नगद २५ हजार रुपैयाँ प्रदान गरेको हो। भूमी व्यवस्था, सहकारी, गरिबी निवारणमन्त्री पद्मा अर्यालले उनलाई सम्मान गरेकी हुन्। नेपाली मौलिक लोक, कला, भाषा, साहित्य, गायन तथा संकलनका क्षेत्रमा सो सम्मान पाउने उनी पहिलो स्रष्टा हुन्। कार्यक्रममा मन्त्री अर्यालले मौलिक लोक, कला, भाषा र साहित्य मुलुकको सम्पत्ति भएको बताइन्। उनले हरेक क्षेत्रमा योगदान पुर्‍याउनेलाई यसरी नै सम्मान गरिनु खुशीको कुरा भएको बताइन्। मन्त्री अर्यालले शिष्ट र सरल स्वभावकी धनी बरिष्ठ लोकगायिका कोइरालाले सवैको मन जित्न सफल भएको उल्लेख गरिन्।

सम्मानित व्यक्तित्व कोइरालाले सम्मानले आफूलाई हौसला थपेको बताइन्। यसैबीच, बरिष्ठ लोकगायिका कोइरालाको गीत यस वर्षको तीज गीतको मौलिक गीतमध्येबाट उत्कृष्ट सातमा पर्न सफल भएको छ।

उनकोसँगै बिमाकुमारी दुरा, लक्ष्मी न्यौपाने, सर्मिला गुरुङ, रिता थापा, विष्णु माझी र हरि विष्टको गीत उत्कृष्ट सातमा पर्न सफल भएको हो। सहयात्रा नेपालले उनीहरुलाई दोसल्लासहित ट्रफी र प्रमाणपत्र प्रदान गरेको छ। कार्यक्रममा लोकगायक दुर्गा रायमाझीले मौलिक संस्कृतिबारे बोलेका थिए। सहयात्रा नेपालका कार्यक्रम निर्देशक चन्द्र शर्माको अध्यक्षतामा भएको कार्यक्रम संयोजक मिना बज्राचार्यले संचालन गरेकी थिइन्।

Related News

सम्बन्धित समाचार

  • कुलपति हुँदाको बैठक भत्ता भानु वाङमय अक्षयकोषलाई दिए पदमराजले

    आदर्श समाज सम्वाददाता असार ३१, २०८१
    पोखरा । पोखरा प्रज्ञा प्रतिष्ठानका कुलपति पदमराज ढकालले आफ्नो कार्यकालको बैठक भत्ता भानु वाङ्मय प्रतिष्ठान अक्षयकोषका लागि प्रदान गरेका छन्…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • नानुमैया दाहालको मुक्तक संग्रह लोकार्पण

    आदर्श समाज सम्वाददाता असार २२, २०८१
    विराटनगर । नेपाल मुक्तक प्रतिष्ठान कोशी प्रदेश शाखाको आयोजनामा मुक्तककार नानुमैया दाहालको पहिलो मुक्तकसङ्ग्रह “खुला आकाशमुनि”  असार २२ गते विराटनगरमा लोकार्पण…
  • अपेक्षा बनिन् मिस एसइई गण्डकी

    आदर्श समाज सम्वाददाता असार १६, २०८१
    पोखरा, १६ असार । मिस एसइई गण्डकी सिजन–४ को उपाधि अपेक्षा अधिकारीले जितेकी छन् । शनिबार पोखरामा भएको ग्राण्ड फिनालेमा…
  • श्रष्टा बानियाँलाई सूर्यनारायण पुरस्कार अर्पण

    आदर्श समाज सम्वाददाता असार ११, २०८१
    म्याग्दी । मदन पुरस्कार विजेता ‘महारानी’ उपन्यासका लेखक चन्द्रप्रकाश बानियाँलाई ‘सूर्यनारायण पुरस्कार’ अर्पण गरिएको छ । सूर्यनारायण पुरस्कार संस्थाद्वारा सोमबार…

hero news full width