ढिकुरपोखरीमा तीज मेला

आदर्श समाज सम्वाददाता
भाद्र २१, २०७५
hemja photo

हेमजा, २० भदौ। ढिकुरपोखरीमा हुने तीजमेलाको तयारी अन्तिम चरणमा पुगेको छ। आयोजक ढिकुरपोखरी युवा संजालले बुधवार पोखरामा पत्रकार सम्मेलन गरी तयारी अन्तिम चरण पुगेको जनाएको हो ।

ढिकुरपोखरीस्थित माछापुच्छे्र माविको प्राङ्गणमा भदौ २३ देखि २८ गतेसम्म हुने उक्त मेलाअन्तर्गत खुला नकआउट फुटबल प्रतियोगिता, तीजगीत, ठेलो तथा रस्साकसी लगायत विविध सांस्कृतिक कार्यक्रम गरिने मेला संयोजक विकास गुरुङले बताए।

खुला नकआउट फुटबल प्रतियोगिताको प्रथम पुरस्कार एक लाख ११ हजार एक सय ११, दोस्रो पुरस्कार  ५५ हजार पाँच सय ५५ साथमा शिल्ड, मेडल र प्रमाणपत्र रहेको छ।

मेलामा ‘स्थानीय निकाय र महिला नेतृत्व’ विषयक वडास्तरीय तीजगीत प्रतियोगिता पनि हुँदैछ।जसमा प्रथमले २० हजार, द्वितीयले १५ हजार, तृतीयले १० हजार तथा सान्त्वना समूहले ५ हजार साथमा प्रमाणपत्र पुरस्कार पाउने छन्। फुटबलतर्फ १२ टिम तथा तीजगीततर्फ २० देखि २२ टिमले सहभागिता जनाउने आयोजकको भनाइ छ। गाउँपालिका अध्यक्ष युवराज कुँवरले ढिकुरपोखरी तीजमेलाको ऐतिहासिक महत्व रहेको औँल्याउँदै मेलालाई सक्दो सहयोग गर्न सरोकारवालासमक्ष आग्रह गरे।उनले गाउँपालिकाले पनि मेलालाई आवश्यक सहयोग गर्ने वचनबद्घता व्यक्त गरे।

मेला सम्पन्न गर्न १२ लाख १० हजार खर्च लाग्ने अनुमान गरिएको छ। मंगलवारसम्म विभिन्न संघसंस्था एवं व्यक्तिबाट ९ लाखको हाराहारीमा सहयोग घोषणा भएको संजालका अध्यक्ष सुशील भट्टचनले जानकारी दिए।

संजालका महासचिव दिल जिसीले विगतभन्दा यसवर्षको तीजमेलालाई विशेष बनाउन लागिएको भन्दै सहयोग गर्न अनुरोध गरे। मेला संयोजक विकास गुरुङको अध्यक्षतामा सम्पन्न उक्त कार्यक्रममा संजालका कोषाध्यक्ष प्रकाश गुरुङले स्वागत तथा कार्यक्रम संचालन संजालका महासचिव दिल जिसीले गरेका थिए।

Related News

सम्बन्धित समाचार

  • लोकराजको ‘छाइल’ माथि विमर्श

    आदर्श समाज सम्वाददाता श्रावण २४, २०७९
    पोखरा । लोकराज भट्टको उपन्यास ‘छाइल’ पोखरेली पाठकले पनि रुचाएका छन् । डोट्याली सभ्यताको प्रतिविम्व बनेको उपन्यासले लयात्मक भाषामा सुदूरपश्चिमको…
  • राष्ट्रिय कविता प्रतियोगितामा भुषाल प्रथम

    आदर्श समाज सम्वाददाता श्रावण १५, २०७९
    पोखरा । राष्ट्रिय कविता प्रतियोगितामा स्याङ्जाका अस्मित भुषाल प्रथम भएका छन् । ‘लगइन बुक्स’ ले आयोजनामा भएको प्रतियोगितामा उनको छन्द…
  • ‘काव्यरसमा पोखरा’ लोकार्पण

    आदर्श समाज सम्वाददाता श्रावण ११, २०७९
    पोखरा । पोखरालाई विषय बनाएर लेखिएका कविता अब एकै ठाउँमा पढ्न पाइने भएको छ । उच्च अदालत पोखराका कामु मुख्य…
  • गण्डकी प्रज्ञा उत्सव सुरु

    आदर्श समाज सम्वाददाता असार ९, २०७९
    पोखरा । गण्डकी प्रज्ञा प्रतिष्ठानको वार्षिकोत्सव अवसरमा पोखरामा बिहीबारदेखि ‘गण्डकी प्रज्ञा उत्सव’ सुरु भएको छ । ३ दिनसम्म चल्ने सो उत्सवको…
  • भाका संरक्षणमा जुट्यो संगीत नाट्य प्रतिष्ठान

    आदर्श समाज सम्वाददाता असार ७, २०७९
    पोखरा । नेपाल संगीत तथा नाट्य प्रज्ञा प्रतिष्ठानको आयोजनामा लोपोन्मुख नेपाली मौलिक परम्परागत गीतको गायनशैली र बाजाबारे पोखरामा अन्तक्र्रिया एवं…

hero news full width