फाइनप्रिन्ट फिभर सम्पन्न

आदर्श समाज सम्वाददाता
भाद्र ३, २०७५
fine

पोखरा, २ भदौ। फाइनप्रिन्टले पोखरामा शनिबार एकदिने घुम्ती साहित्य महोत्सव ‘फाइनप्रिन्ट फिभर’ संचालन गर्‍यो। कार्यक्रममा विभिन्न स्रष्टाबीच साहित्यिक विषयवस्तुमाथि बहस चल्यो।

पोखरास्थित सिटी स्क्वायरको सहयोगमा भएको सो कार्यक्रममा युग पाठकसँग सावित्री गौतमले नेपाल मन्थनबारे छलफल गरिन्।

अर्को सत्रमा नयनराज पाण्डेसँग दीपक पराजुलीले संस्मरणमा इमान्दारिता तथा शासकको रजगजमाथि हरिबहादुर थापासँग पत्रकार केशवशरण लामिछानेले छलफल केन्द्रित गरे।

अन्नपूर्ण पोष्टका प्रधानसम्पादक समेत रहेका रजगज लेखक थापाले मुलुकमा कायम ७ सय ६१ सरकारका जनप्रतिनिधिबीच सेवा सुविधाबारे प्रतिष्पर्धाको भावना विकास भएको बताए। उनले संस्थागतरुपमा कर्मचारीतन्त्रमा भ्रष्टाचार हुने उल्लेख गर्दै जनप्रतिनिधिसमेत आफ्नै सेवासुविधामा केन्द्रित हुँदा जनताको अधिकार खोसिने डर भएको बताए।

यस्तै, पोखराका गनेश पौडेलले हालै प्रकाशित काठमाडौंमा एक दिनकी लेखिका शिवानीसिंह थारुसँग आख्यान अनुभवबारे खोतल्ने प्रयास गरे।

पश्चिमी मधेशमा हुर्केर पूर्वी मधेशको कथा लेखेकी थारुले उपन्यास लेखनका क्षण समेत स्मरण गरिन्।

नेपाल पत्रिकाका सम्पादक वसन्त बस्नेतले साहित्यकार महेशविक्रम शाहसँग नेपालीका विदेशी कथाबारे बोले।

सुर्खेत, धनगढी र कोहलपुरमा घुम्ती साहित्य महोत्सव गरिसकेपछि पोखरा आइपुगेको फाइन प्रिन्टका अजित बरालले जानकारी दिए।

कार्यक्रममा यस क्षेत्रका साहित्यकार एवं पुस्तकप्रेमीको उल्लेख्य सहभागिता थियो। महोत्सवमा बजारमा आएका पछिल्ला कृतिसमेत बिक्रीका लागि राखिएका थिए।

सो कार्यक्रमपछि बेलुका हास्यकलाकार मदनकृष्ण श्रेष्ठको साथमा कन्दरा व्याण्डको सांगीतिक प्रस्तुत रहेको थियो।

Related News

सम्बन्धित समाचार

  • प्रतिभा उजागर गर्दै प्रतिष्ठान

    आदर्श समाज सम्वाददाता जेठ २४, २०८०
    हेमजा । हेमजा साहित्य प्रतिष्ठानले आफ्नो नियमित रचनावाचन कार्यक्रम शुभप्रभात काव्यमालाको २ सय ३७ औं कार्यक्रम सम्पन्न गरेको छ ।…
  • अक्षरयात्राको १९९ औं कार्यक्रम मट्टीखानमा

    आदर्श समाज सम्वाददाता जेठ २३, २०८०
    पोखरा । गजलसन्ध्या र नवनीत साहित्य सागरद्वारा २०६२ सालदेखि अविच्छिन्न रुपमा सञ्चालन गर्दै आइरहेको पर्यटकीय साहित्यिक कार्यक्रम अक्षरयात्राको १९९ औं…
  • बासु पुरस्कारबाट स्याङ्जाका ४ साहित्यकारलार्ई सम्मान

    आदर्श समाज सम्वाददाता जेठ २१, २०८०
    स्याङ्जा । बालनरसिंह— सुवर्णकुमारी अधिकारी गुठी पुरस्कारबाट प्रदान गरिने बालनरसिंह सुवर्णकुमारी (बासु) स्मृति साहित्य पुरस्कारबाट स्याङ्जाका ४ जना साहित्यकारलाई सम्मान…
  • गीतकार विनोद गौचनको जन्मजयन्ती

    आदर्श समाज सम्वाददाता जेठ १३, २०८०
    पोखरा । जरोटुप्पो संरक्षण साहित्य समाज नेपालले कवि तथा गीतकार विनोद गौचनको ६९ औं जन्मजयन्ती विविध कार्यक्रमका साथ मनाएको छ…
  • साहित्यकार जनार्दनशरण त्रिपाठीको निधन

    आदर्श समाज सम्वाददाता जेठ ५, २०८०
    पोखरा । साहित्यकार एवं महाकाव्यकार जनार्दनशरणको त्रिपाठीको निधन भएको । लामो समयदेखि बिरामी रहेका त्रिपाठीकी शुक्रबार बिहान साढे ४ बजे…

hero news full width

Recent Posts

भर्खरै