एकल नृत्य प्रतियोगितामा प्रीति लिटिल च्याम्पियन, नेहा कास्की च्याम्पियन

आदर्श समाज सम्वाददाता
श्रावण २८, २०७५
Little Champion

पोखरा, २७ साउन । लेखनाथ गगनगौंडाकी प्रिती पुन एकल नृत्य प्रतियोगिताको लिटिल च्याम्पियन बनेकी छन् । पोखराको रामबजारस्थित नवसाधना कला केन्द्रद्धारा आयोजना गरेको प्रतियोगिताको फाइनलमा प्रितीले २१ जना प्रतिस्पर्धीलाई पछि पार्दै लिटिल च्याम्पियन बन्न सफल भएकी हुन् ।

लिटिल च्याम्पियनको उपाधिसहित प्रितीले नगद ३० हजार, ट्रफी हात पारेकी छन् । प्रतियोगितामा आकृति गुरुङ द्धितिय, श्रब्या गुरुङ तृतीय र सुबर्णरोका शान्त्वना भए । आकृतिले २० हजार, श्रब्याले १० हजार र सुबर्णे ५ हजारसहित ट्रफी  पुरस्कार पाए ।

त्यस्तै, सुयन्सी गुरुङले उत्कृष्ठ भेषभूषा र तृप्ती गुरुङले अनुशासनको टाइटल जिते । उनीहरुले गिफ्ट हृयाम्परहरु हात पारे। वैशाखदेखि अडिसन शुरु गरिएको लिटिल च्याम्पियनका लागि ७ वर्षदेखि १२ वर्ष उमेरसमुहका करिब ५ सय भन्दा बढि प्रतिभाहरुले अडिसन दिएको कला केन्द्रका निर्देशक रबिन गुरुङले बताए ।त्यसैगरी, लेखनाथ पट्नेरीकी नेहासिंह सुनार कास्की च्याम्पियन बनेकी छन् । उनले कास्की च्याम्पियनको उपाधिसहित नगद ४० हजार, ट्रफी पुरस्कार हात पारेकी छन् ।

प्रतियोगितामा होममाया मगर द्धितिय, प्रेरणा गुरुङ तृतीय र सिता लामा शान्त्वना भइन् । होममायाले नगद ३० हजार, प्रेरणाले २० हजार र सिताले १० हजार नगदसहित ट्रफी हात पारे । सजिना गुरुङले उत्कृष्ठ भेषभूषा र आयुषा गुरुङले अनुशासनको टाइटल जित्दै गिफ्ट हृयाम्परहरु हात पारे । कास्की च्याम्पियनका लागि फाइनलमा १३ देखि २५ वर्ष उमेर समुहका ११ जनाले प्रतिस्पर्धा गरेका थिए। कास्की च्याम्पियनका लागि वैशाखदेखि करिब ४ सय भन्दा बढिले अडिसन दिएका थिए ।

प्रमुख अतिथि जनसाँस्कृतिक महासंघ, गण्डकी प्रदेश संयोजक मनकुमार श्रेष्ठले विजेताहरुलाई पुरस्कार वितरण गरेका थिए।

लिटिल च्याम्पियन र कास्की च्याम्पियनका विजेताहरुलाई अनुशिलन पाठशाला र सरगम साँस्कृतिक कला केन्द्रले ६ महिनासम्म निःशुल्क नृत्य प्रशिक्षणका लागि प्रायोजन गरेको छ ।

कार्यक्रममा गीत संगीतको क्षेत्रमा अतुलनीय योगदान पुर्‍याएको भन्दै त्रिवेणी संगीतालयका संस्थापक नवराज बराललाई नगद १० हजार १ सय १० सहित दोसल्ला ओढाएर सम्मानपत्रद्धारा सम्मान गरिएको थियो। त्यसैगरी, असहाय तथा बृद्धबृद्धाहरुको क्षेत्रमा कृयाशील पोखराको छोरेपाटनस्थित मानव सेवा आश्रमलाई कला केन्द्रद्धारा २५ हजार सहयोग गर्‍यो । आश्रमकी सुष्मा पौडेललाई केन्द्रका अध्यक्ष टकबहादुर गुरुङले सहयोग रकम हस्तान्तरण गरेका हुन् । कलाकेन्द्रका अध्यक्ष टकबहादुर गुरुङको अध्यक्षतामा भएको कार्यक्रम संचारकर्मी बिक्रम परियारले संचालन गरेका थिए।

Related News

सम्बन्धित समाचार

  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • नानुमैया दाहालको मुक्तक संग्रह लोकार्पण

    आदर्श समाज सम्वाददाता असार २२, २०८१
    विराटनगर । नेपाल मुक्तक प्रतिष्ठान कोशी प्रदेश शाखाको आयोजनामा मुक्तककार नानुमैया दाहालको पहिलो मुक्तकसङ्ग्रह “खुला आकाशमुनि”  असार २२ गते विराटनगरमा लोकार्पण…
  • अपेक्षा बनिन् मिस एसइई गण्डकी

    आदर्श समाज सम्वाददाता असार १६, २०८१
    पोखरा, १६ असार । मिस एसइई गण्डकी सिजन–४ को उपाधि अपेक्षा अधिकारीले जितेकी छन् । शनिबार पोखरामा भएको ग्राण्ड फिनालेमा…
  • श्रष्टा बानियाँलाई सूर्यनारायण पुरस्कार अर्पण

    आदर्श समाज सम्वाददाता असार ११, २०८१
    म्याग्दी । मदन पुरस्कार विजेता ‘महारानी’ उपन्यासका लेखक चन्द्रप्रकाश बानियाँलाई ‘सूर्यनारायण पुरस्कार’ अर्पण गरिएको छ । सूर्यनारायण पुरस्कार संस्थाद्वारा सोमबार…
  • विम्बकविलाई कला वाङ्मय पुरस्कार

    आदर्श समाज सम्वाददाता असार १०, २०८१
    पोखरा । त्रिवेणी साहित्य प्रतिष्ठानद्वारा यसवर्ष पहिलो पटक भगवती–होम कला वाङ्मय पुरस्कारले नेपाली चित्रकला र कविताका प्रसिद्घ सर्जक प्राज्ञ, विम्बकवि…

hero news full width