शुक्लागण्डकीको बजेट सार्वजनिक

आदर्श समाज सम्वाददाता
श्रावण २२, २०७५
khairenitar

खैरेनीटार, २१ साउन । शुक्लागण्डकी नगरपालिकाको तेस्रो नगर सभाबाट पारित आर्थिक वर्ष२०७५/७६ को नीति, कार्यक्रम तथा बजेट सार्वजनिकीकरण कार्यक्रम सम्पन्न भयो।

कार्यक्रममा शुक्लागण्डकी नगरपालिकाका प्रवक्ता खिमबहादुर कुमालले नगरपालिकाको वाषिर्क विभिन्न कार्यक्रमबारे जानकारी गराए। उनले ६७ करोड ७५ लाख ८१ हजार रुपैयाँको अनुमानित बजेट प्रस्तुत गरेका थिए।

बजेटको आयतर्फसंघीय सरकार वित्तीय समानीकरण अनुदानबाट १४ करोड ५ लाख, संघीय सरकार राजस्व बाँडफाँडबाट ९३ लाख २३ हजार, प्रदेश सरकार वित्तीय समानीकरण अनुदानबाट १ करोड २५ लाख ४८ हजार, प्रदेश सरकार सवारीसाधन करबाट ७८ लाख १९ हजार ३ सय ११, संघीय सरकार सर्ःशर्त अनुदानबाट २४ करोड ७ लाख, सडक बोर्ड नेपालबाट ५० लाख, सामाजिक सुरक्षाबाट ९ करोड ३० लाख, गरिबसँग विश्वेश्वरबाट ४ लाख, आन्तरिक स्रोतबाट ५ करोड, नगर सहभागिताबाट २ करोड ५० लाख रुपैयाँ हुने अनुमान गरिएको छ।

यस्तैगरी, व्ययतर्फवडागत विकास खर्चमा ९ करोड ९९ लाख ८१ हजार २ सय ४, नगरस्तरीय पूर्वाधार योजनामा १२ करोड ३८ लाख, सामाजिक विकासमा २ करोड ४१ लाख, आर्थिक विकासमा १ करोड ७४ लाख, वन वतावरण र विपद् व्यवस्थापनतर्फ५८ लाख, संस्थागत सेवा तथा सुशासनतर्फ४९ लाख, सर्ःशर्त अनुदानतर्फ२४ करोड ७ लाख, प्रशासनिक खर्चमा ६ करोड ७५ लाख, सामाजिक सुरक्षामा ९ करोड ३० लाख र गरिबसँग विश्वेश्वरमा ४ लाख रुपैयाँ विनियोजन गरिएको छ।

प्रमुख अतिथि केन्द्रिय सांसद केदार सिग्देलले व्यावसायिक, वैज्ञानिक, कृषि पेशा अपनाउनु पर्ने बताए। उनले जल, जमिन, जंगल, खनिज जस्ता अनुपम निःशुल्क प्राप्त प्राकृतिक उपहारलाई सही सदुपयोग गर्नुपर्ने पनि जनाए।

प्रदेश सांसद आशा कोइरालाले गण्डकी प्रदेशलाई नमूना बनाउने गरि कार्यविधि निर्माण भइरहेको बताइन्। उनले कृषि, पर्यटन, उद्योग र भौतिक निर्माणलाई प्राथमिकताका साथ अगाडि बढाउने योजना प्रदेश सरकारले बनाउँदै गरेको पनि जनाइन्। यस्तै, केन्द्रबाट आउने विकासलाई स्थानियले नकारात्मक रुपमा लिन नहुने पनि बताइन्।

कार्यक्रममा नेकपाका श्रीप्रसाद श्रेष्ठ, साना सहरी खानेपानी उपभोक्ता महासंघका केन्द्रिय सहसचिव रामचन्द्र उपाध्याय, सामुदायिक वन उपभोक्ता महासंघ, तनहुँका पूर्व अध्यक्ष मुक्तिनाथ तिम्सिना, नेकपाका परशुराम भण्डारी, नागरिक समाजका अध्यक्ष खेमराज खनाल, नेपाली काँग्रेसका शुक्लागण्डकी नगर सचिव गोविन्द भट्टर्राई, खैरेनीटार महिला विकास बहुउद्देश्यीय सहकारी संस्थाकी अध्यक्ष सूर्यकला ढकाल, दुलेगौंडा बजार इकाइ सभापति राजकुमार वाग्ले लगायतले बोलेका थिए।

नगरपालिकाकी उपमेयर सविता रसाईलीको अध्यक्षता रहेको कार्यक्रममा स्वागत नवराज पण्डित र सञ्चालन सूचना अधिकारी त्रिलोचन लम्सालले गरेका थिए।

Related News

सम्बन्धित समाचार

  • अर्थतन्त्रमा सुधार आउने

    आदर्श समाज सम्वाददाता असाेज १५, २०७९
    लेखनाथ । लेखनाथ उद्योग वाणिज्य संघको आयोजनामा व्यवसायी र बैंकर्सबीच छलफल तथा अन्तक्र्रिया कार्यक्रम भएको छ । छलफल तथा शुभकामना…
  • ‘सिजीसँग यो पर्व, गरौं गर्व’

    आदर्श समाज सम्वाददाता असाेज १४, २०७९
    पोखरा । सिजी ब्रान्डले दसैं, तिहार तथा छठ पर्व लक्षित गर्दै नयाँ उपहार योजना बजारमा ल्याएको छ । ‘सिजीसँग यो…
  • चाडपर्वमा मात्र अनुगमन

    आदर्श समाज सम्वाददाता असाेज १४, २०७९
    पोखरा । दसैंतिहार लगायत ठूला चाडपर्व भित्रिएपछि पोखरा बजारमा अनुगमन तीव्र बन्यो । अरु बेला सुतेर बस्ने अनुगमनकर्ताहरु चाडपर्व भित्रिएपछि…
  • सिर्जना विकास केन्द्रमा पदस्थापना

    आदर्श समाज सम्वाददाता असाेज १३, २०७९
    पोखरा, १३ असोज । सृजना विकास केन्द्र, सिमलचौरका नवनिर्वाचित पदाधिकारीले बिहीबार सपथग्रहण गरेका छन् । केन्द्रको ४५ औं साधारण सभा तथा…
  • दसैंलक्षित भेडाच्याङ्ग्रा पोखरा

    धनबहादुर गुरुङ असाेज ११, २०७९
    पोखरा । जुम्लाका कमानसिंह थामी पोखरा १, जौबारीमा भेडाच्यांग्राको हुलसँगै भेटिन्छन् । गत वर्ष पनि उनी यसरी नै भेटिएका थिए…

hero news full width

Recent Posts

भर्खरै