गोपीलाई इन्काउण्टर कपको उपाधि

आदर्श समाज सम्वाददाता
श्रावण १, २०७५

पोखरा, ३२ असार ।गोपीबहादुर भट्टराइले नेप्लीज इन्काउण्टर पोखरा ओपन भेट्रान टेनिस प्रतियोगिताको उपाधि जितेका छन् ।

कास्की जिल्ला टेनिसको मासिक कार्यक्रम तथा नेप्लीज इन्काउण्टरद्वारा आयोजित प्रतियोगिताको हालैमात्र पोखरा रंगशालामा भएको फाइनल खेलमा विकास गुरुङलाई पराजित गदै भट्टराईले सो उपाधिमा आफ्नो नाम लेखाएका हुन् ।

पहिलो सेटमा ६-३ ले पराजित भएका विकासले दोश्रो सेटमा भट्टराईलाई ६-३ कै जवाफ फर्काएका थिए । तर सुपरर्टाईमा अग्रता कायम गरेको खेललाई जोगाउन नसक्दा गुरुङले उपविजेतामै चित्त बुझाउन पर्‍यो । मन्थ्ली टेनिसमा भट्टराईको यो दोश्रो उपाधि हो । यसअघि पहिलो संस्करणको प्याराडाइज कपमा उनी विजेता तथा तेश्रो संस्करणको मेसुका कपमा उपविजेता बनेका थिए ।

विजेता खेलाडीहरुलाई प्रतियोगिताको मुख्य प्रायोजक नेप्लीज इन्काउण्टरका प्रोपाइटर नारायण पहारी, कास्की जिल्ला टेनिस संघका अध्यक्ष विनोद कायस्थलगायतले नगदसहित ट्रफी पुरस्कार प्रदान गरेका थिए ।

संघ कास्कीका सचिव लोक गुरुङले कार्यक्रम संचालन गरेका थिए ।

Related News

सम्बन्धित समाचार

hero news full width