पोखरामा मोवाइल टावर

आदर्श समाज सम्वाददाता
जेठ २९, २०७५

पोखरा, २८ जेठ । महेन्द्रपुलमा पोखरा मोवाइल टावर सञ्चालनमा आएको छ ।

पाँचतले आधुनिक भवनमा सबैजसो कम्पनीका मोवाइल होलसेल बिक्री गर्ने गरी मोवाइलको मात्र बजार शुरु भएको हो । यहाँ ८० वटा सटरमा मोवाइल पसल रहने छन् । अन्डरग्राउन्डमा टावरका ग्राहकका लागि पर्याप्त र निःशुल्क पार्किङ व्यवस्था छ । टावरमा कम्प्युटर, इलेक्ट्रोनिक्स, कर प्रशिक्षण केन्द्र, क्याफे, स्मार्ट सेलको आधिकारिक डिलर, मोवाइल पाट्सका समेत पसल छन् । ग्राहकलाई मध्यनजर गरी निःशुल्क वाइफाइ पनि सुविधा छ । टावरमै कार्यालय रहेको वर्ड लिंकले निशुल्क वाइफाइ उपलब्ध गराएको हो ।

करिब ८० प्रतिशत सटर बुकिङ भइसकेको पोखरा मोवाइल टावर सञ्चालक समिति अध्यक्ष उदय केसीले जानकारी दिए । ‘धेरैजसो सटरबाट कारोबार शुरु भइसकेको छ । बाँकी केही सटर पनि चाँडै बुकिङ हुने अपेक्षा गरेका छौं ।’

बिनाझन्झट एकै स्थानमा छानीछानी मोबाइल खरिद, सर्भिसिङ लगायत सेवा उपलब्ध रहेकाले टावर मोवाइल पारखीको रोजाइमा पर्ने उनले बताए ।

भिभो, ओप्पो लगायत ९ कम्पनीका सर्भिस सेन्टर रहेको टावरमा ४ वटा बैंकका एटिएम रहने समिति सचिव नारायण सुवेदीले बताए । अस्वस्थकर प्रतिष्पर्धा, महँंगो घरभाडा जस्ता कारणले छरिएर व्यवसाय गर्न असहज महसुस गरेका व्यवसायीलाई टावरमा आउन उनले अनुरोध गरे । व्यवसायको सुनिश्चितताका लागि १५ वर्षसम्मको सम्झौता गर्न सकिने पोखरा मोवाइल टावरले जनाएको छ । आगामी साउन १ गतेबाट टावर पूर्ण रुपमा सञ्चालनमा आउनेछ ।

सम्बन्धित समाचार

घामपानी सहकारीको वार्षिक साधारणसभा

आदर्श समाज सम्वाददाता असाेज १५, २०८०

पोखरा । घामपानी बचत तथा ऋण सहकारी संस्थाको नवौं वार्षिक साधारणसभा शुक्रबार सम्पन्न भएको छ । संस्थाका अध्यक्ष वीरेन्द्र नारायण…
पाल्पा हाउस प्रालिको दोस्रो साधारण सभा

आदर्श समाज सम्वाददाता असाेज १३, २०८०

पोखरा । पाल्पाको मौलिक तथा कलात्मक उत्पादन बजारीकरण गर्न पोखराको न्युरोडमा खोलिएको पाल्पा हाउस (पाल्पाली कोसेलीघर) प्रालिको दोस्रो साधारण सभा…
गण्डकीमा बिमाको पहुँच निकै कम

आदर्श समाज सम्वाददाता असाेज १२, २०८०

पोखरा । गण्डकी प्रदेशभित्र २७.४३ प्रतिशत मानिस बिमाको पहुँचमा छन् । देशभर भने ४४.३८ प्रतिशत मानिस बिमाको पहुँचमा रहेको विमा…
पोखरामा सिट्रोनको अत्याधुनिक सोरुम

आदर्श समाज सम्वाददाता असाेज ११, २०८०

पोखरा । पोखरामा सिट्रोन कारको शोरुम सञ्चालनमा आएको छ । पोखरा क्षेत्रका लागि आधिकारिक बिक्रेता एसएसएल मोटर्सको सोरुम पोखराको नयाँबजारमा…
शीतल सहकारीको १४ औं सभा

आदर्श समाज सम्वाददाता असाेज ६, २०८०

पोखरा । शीतल बचत तथा ऋण सहकारी संस्थाको १४ औं वार्षिक साधारण सभा शनिबार भएको छ । पोखरा महानगर सहकारी…