वियोगीको ‘योगमाया’ महाकाव्य लोकार्पण

आदर्श समाज सम्वाददाता
चैत्र २१, २०७४

पोखरा, २० चैत । महाकाव्यकार माधव वियोगीद्वारा लिखित ‘योगमाया’ महाकाव्य लोकार्पण भएको छ ।

इलाम बजारमा शनिबार आयोजित एक समारोहमा प्रमुख अतिथि वरिष्ठ समालोचक प्राडा गोपाल भण्डारीले उक्त महाकाव्य लोकार्पण गरेका हुन् ।

छन्द बचाऔ र महाकाव्यलेखन अभियानमा सक्रिय वियोगीले योगमाया महाकाव्यमार्फत योगमायालाई उच्च सम्मान गर्दै नारी जातिको शक्ति अद्भूत हुन्छ भन्ने सन्देश दिएको प्राडा भण्डारीले बताए।  उनले नेपालमा महाकाव्य लेखनमा आएको लहरमा महाकाव्यकार वियोगीको भूमिका महत्वपूर्ण रहेको बताए।

महाकाव्यको टिप्पणी गर्दै समालोचक गायत्रीकुमार चापागाईंले  योगमाया महाकाव्यले क्रान्तिकारी नारी योगमाया न्यौपानेको जीवनगाथा र योगदानलाई विशिष्ट भाषा र शैलीका माध्यमबाट प्रस्तुत गरेको बताए।  उनले महाकाव्य छन्द प्रयोग र विषयगत गहनताका दृष्टिले पनि उत्कृष्ट रहेको बताए।

महाकाव्यकार माधव वियोगीले योमायाको योगदानलाई विश्वव्यापी बनाउने उद्देश्यले आफूले कृतिमा महाकाव्यको नायक बनाएको जानकारी गराए। उनले देशमा आएको हालको परिवर्तनको बाहक योगमाया नै भएको ठोकुवा समेत गरे। उनको यो आठौं प्रकाशित महाकाव्य हो । उनले हरेक वर्ष कम्तीमा एक महाकाव्यको रचना गर्ने घोषणासमेत गरे।

सो महाकाव्य योगमाया स्मृति सम्मान पुरस्कार कोषका लागि कविता चापागाईंले प्रकाशित गरेकी हुन्।

सो अवसरमा साहित्यिक पत्रकारद्वय देवी पन्थी, देवी क्षेत्री दुलाल र षडानन गुरुकुल वेदाश्रमलाई   यमुनावी वैजनाथ भट्टराई पुरस्कार प्रदान गरियो।

यमुनादेवी वैजनाथ स्मृति पुरस्कार प्रतिष्ठानद्वारा आयोजित सो कार्यक्रममा साहित्यकार नवराज घिमिरे, देवी पन्थी, देवी दुलाल, विमल वैद्य, गोविन्द चापागाईं, मात्रिका संग्रौला, नूरज भट्टराई, रामप्रसाद गुरागाईं लगायलले शुभकामना मन्तव्य राखेका  थिए।

प्रतिष्ठान अध्यक्ष कविता चापागाईंको अध्यक्षतामा भएको सो कार्यक्रममा स्वागत मालिका निरौला र सञ्चालन दिवाकर भण्डारीले गरेका थिए।

Related News

सम्बन्धित समाचार

  • बंगलादेशमा घन्कियो रेशम फिरिरी …

    आदर्श समाज सम्वाददाता चैत्र ५, २०७९
    पोखरा ।  बंगलादेश–नेपालको कुटनीतिक सम्बन्ध स्थापनाको सन्दर्भमा नेपाली कला प्रदर्शनी तथा सांस्कृतिक कार्यक्रम भएको छ । फागुन ३० देखि चैत…
  • ‍‍‍‍‍‌‌‌… अनि दुर्गा बराल बने वात्स्यायन‍‍‍

    रूपनारायण ढकाल चैत्र ४, २०७९
    पोखरा ।  नेपाली चित्रकलाजगत्का शीर्षस्थ प्रतिभा कलाकार दुर्गा बराल ‘वात्स्यायन’ आजदेखि ८१ वर्षमा प्रवेश गरेका छन् । चित्रकलाका यीनै हस्ती…
  • वात्स्यायनको अभिनन्दन तथा रथारोहण

    आदर्श समाज सम्वाददाता चैत्र ४, २०७९
    पोखरा । कलाकार दुर्गा बराल ‘वात्स्यायन’ को पोखरामा शनिबार नागरिक अभिनन्दन तथा रथारोहण भएको छ ।  पोखरेली कलाकार वात्स्यायनको सम्मानमा …
  • देवुको ‘अव्यक्त पीडा’ र ‘दोषी नजर’ लोकार्पण

    आदर्श समाज सम्वाददाता फागुन २७, २०७९
    पोखरा । साहित्यकार देवेन्द्र केसी ‘देवु’ को अव्यक्त पीडा (मुक्तक संग्रह) र दोषी नजर (गीति एल्बम) शुक्रबार लोकार्पण भयो ।…
  • रत्नमानको ३ भाषाको पुस्तक

    आदर्श समाज सम्वाददाता फागुन २१, २०७९
    पोखरा । शिक्षासेवी रत्नमान गुरुङले नेपाली, अग्रेजी र गुरुङ भाषासम्बन्धी पुस्तक बजारमा ल्याएका छन् । उनको पहिलो कृति ‘भाषा, व्याकरण…

hero news full width