सनराइज बैंकको स्वास्थ्य तथा दुर्घटना बिमा

आदर्श समाज सम्वाददाता
चैत्र १२, २०७४

पोखरा, ११ चैत । सनराइज बैंक लिमिटेडले बचतकर्ताको लागि स्वास्थ्य तथा दुर्घटना बिमा योजना कार्यक्रम सार्वजनिक गरेको छ।

हरेक बचतखाताको बचतकर्तालाई डबल सुरक्षा हुने गरी योजना ल्याइएको बैंकका पोखरा शाखाका प्रबन्धक नितेश रेग्मीले बताए। स्वास्थ्य बिमा सुविधाअन्तर्गत खातामा भएको ३ सय ६५ दिनको भारित औषत निक्षेपको २५ प्रतिशत वा बिल रकममध्ये जुन रकम न्यून हुनेछ सो रकम एक लाखले नबढ्ने गरी दाबी गर्न सकिने व्यवस्था छ।

बचत खाताका ग्राहकले खाता खोलेको पहिलो दिनबाटै स्वास्थ्य उपचार बिमा सुविधाको उपयोग गर्न पाउने शाखाकी मार्केटिङ अफिसर श्रीला श्रेष्ठले जानकारी दिइन्।

‘तपाईको बचत तपाईकै सुरक्षामा’ नारा सहित बैंकले ल्याएको बिमा कार्यक्रम प्रभावकारी हुने बताउँदै बैंकका उज्ज्वल घिमिरेले बचतकर्ता यस योजनाबाट लाभान्वित हुने जनाए।

स्वास्थ्य उपचार बिमा सुविधा प्राप्त गर्न बैंकले शर्त समेत अघि सारेको छ। बचतखातका बचतकर्ता यस सुविधाको योग्य हुने, बचतकर्ता स्वयंले मात्रै यो सुविधा प्राप्त गर्ने, बचतकर्ताको परिवारजनलाई भने यो सुविधा नपाउने, प्रत्येक बचतकर्ताले वर्षको एकपटक स्वास्थ्य उपचार बिमा दाबी गर्न पाउने, बचतकर्ताले खाता खोलेको पहिलो दिनबाटै यो सुविधाको उपोग गर्न पाउने बैंकले जनाएको छ।

बिमा दाबी गर्न बैंकले रोग वा उपचार र प्रकृतिको बारेमा पनि शर्त लागू गरेको छ। दुर्घटना बिमा सम्बन्धमा बचतकर्ताको मृत्यु वा स्थायी प्रकृतिको अशक्त भएमा ५ लाख रुपैयाँ नबढ्ने गरी बचतखातामा रहेको मौज्दातको चार गुणा क्षतिपूर्र्ति उपलब्ध गराइने बैंकले जनाएको छ।

बचतकर्ताले स्वास्थ्य बिमा दाबि गर्न बैंकले सम्बन्धन लिएका अस्पतालबाट मात्रै सुविधा लिनुपर्ने जनाइएको छ। स्वास्थ्य बिमाको लागि बैंकले शिखर इन्स्योरेन्ससँग सहकार्य गरी योजना सार्वजनिक गरेको हो।

Related News

सम्बन्धित समाचार

  • वित्तीय साक्षरता तालिम

    आदर्श समाज सम्वाददाता माघ २२, २०७९
    स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका…
  • राष्ट्र बैंकका प्रथम गभर्नर राणाको निधन

    आदर्श समाज सम्वाददाता माघ २२, २०७९
    पोखरा । नेपाल राष्ट्र बैंकका प्रथम गभर्नर हिमालय समशेर जबराको आइतबार (आज) निधन भएको छ । उपचारका क्रममा राणाको नर्भिक…
  • वित्तीय संस्था कर्मचारी संघमा याम

    आदर्श समाज सम्वाददाता माघ २२, २०७९
    पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।…
  • बैंक तथा वित्तीय संस्थाको धरपकडविरुद्ध व्यवसायी

    आदर्श समाज सम्वाददाता माघ २०, २०७९
    पोखरा ।  बैंक तथा वित्तीय संस्थाहरुको धरपकडविरुद्ध पोखराका उद्योगी व्यवसायी आन्दोलित भएका छन् । पोखरा उद्योग वाणिज्य संघको अगुवाइमा बिहीबार…
  • चर्को ब्याजविरुद्ध पोखरामा रिले अनसन

    आदर्श समाज सम्वाददाता माघ १९, २०७९
    पोखरा । ‘सम्पूर्ण उद्योगी व्यवसायी एवं पीडित एक हौं’ भन्दै चर्को ब्याजविरुद्ध तीनदिने अनसन सुरु गरिएको छ । सरकारको विभेदपूर्ण…

hero news full width