सिसिटिभी क्यामेरा जोभिजन ब्रान्ड पदाधिकारीसँग इन्फर्मेसन टेक्नोलोजीको अन्तरक्रिया

आदर्श समाज सम्वाददाता
जेठ ३०, २०८१
cctv news photo 2

पोखरा । सिसिटिभी क्यामेरा जोभिजन ब्रान्डका पदाधिकारी र लायन्स क्लब अफ पोखरा इन्फर्मेसन टेक्नोलोजीका पदाधिकारीबीच अन्तरक्रिया भएको छ ।

पोखराका सिसिटिभी क्यामेरा बिक्रेताद्वारा गठित लायन्स क्लबका पदाधिकारी र भर्खर बजारमा आएको सिसिटिभी क्यामेरा जोभिजन ब्रान्डका व्यवसाय विकास व्यवस्थापक आशुुतोष श्रेष्ठ तथा जोभिजनका आधिकारीक बिक्रेता एस एचटिसी प्रालिका विभाग प्रमुख अभिजीत विश्वासबीच अन्तरक्रिया भएको हो ।

कार्यक्रममा आशुतोष श्रेष्ठले पोखरामा रहेका सिसिटिभीका बिक्रेताको सहकार्यको प्रशंसा गरे । आजकल बजारमा ‘झोलेव्यापारी’ कारण सिसिटिभी व्यापारमा नकारात्मक असर पारिरहेको सन्दर्भमा पोखरामा रहेका सिसिटिभी बिक्रेताहरु संगठित भएर लायन्स क्लब गठन गरी आफ्नो व्यवसायलाई समेत सांगठनिक रुपमा अगाडि बढाएकोमा धन्यवाद दिए ।

आफूहरुले बजारमा नयाँ ब्रान्ड जो भिजन ल्याएको र त्यसको प्रचारमा पोखरा आएर बिक्रेतासँग भेटघाट गर्न पाउदा खुसी लागेको प्रतिक्रिया दिए ।

अभिजीत विश्वासले जो भिजनले पोखरामा डिलरलाई मात्र आफूहरुले जोभिजनको सामग्री उपलब्ध गराउने प्रतिबद्धता ब्यक्त गरे । उनले अधिकृत डिलर मार्फत नै ब्रान्ड बिक्री वितरण गर्ने बताए ।

लायन्स पोखरा इन्फर्मेसन टेक्नोलोजीका जोन चियर पर्सन मातृका पोखरेलले ग्राहकलाई सिसिटिभी क्यामरा जडान गर्दा लोकल सामग्री भन्दा ब्रान्ड सामग्री उपलब्ध गराउन सके बिक्रेतालाई सहज हुने बताए । अहिले बजारमा आफूहरुले कुनै ब्रान्डको डिलर लिएतापनि कुनै व्यवसायीले कम्पनीमा फोन गरेर सामान मगाएमा पठाउने प्रचलन बढेका कारण त्यसबाट ब्राण्ड लिने डिलरलाई अफ्ठेरो पर्ने गरेको हुँदा सचेत हुन आग्रह गरे ।

पोखरा उद्योग वाणिज्य संघका कार्यसमिति सदस्य सुदीप ओझाले पछिल्लो समय सिसिटिभी क्यामेराको बजारमा अस्वस्थ प्रतिस्पर्धा बढेका कारण मिलेर जानुको विकल्प नरहेको बताए ।

आयुषा इन्टरनेश्नलका सञ्चालक अनिल श्रेष्ठले व्यवसायीबीच अस्वस्थ प्रतिस्पर्धा गर्नुभन्दा मिलेर व्यवसाय गर्न सके सम्पूर्णलाई फाइदा हुने बताए ।

लायन्स पोखरा इन्फर्मेसन टेक्नोलोजीका अध्यक्ष दिनेश महर्जनको अध्यक्षतामा सम्पन्न कार्यक्रममा बेनी कम्युनिकेशनका प्रबन्ध निर्देशक लक्षिण खत्री तथा क्लबका पदाधिकारी र सदस्यको उपस्थिति थियो ।

कार्यक्रम सञ्चालन क्लब उपाध्यक्ष तथा गोम्जा आइटी इन्जिनियरिङ प्रालिका सञ्चालक गोम्जा रावत तामाङले गरेका थिए ।

Related News

सम्बन्धित समाचार

  • प्रकाशले गरे जन्मदिनमा कारागारमा सहयोग

    आदर्श समाज सम्वाददाता श्रावण ८, २०८१
    पोखरा । जन्मदिनमा हुने फजुल खर्च स्याङ्जा घर भइ हाल पोखरा निवासी एक युवाले सिर्जनशील काममा लगाउने गरेका छन्। स्याङ्जा…
  • ‘कांग्रेस–एमाले मिलाउनु रास्वपाको उपलब्धि’

    आदर्श समाज सम्वाददाता श्रावण ८, २०८१
    पोखरा– राष्ट्रिय स्वतन्त्र पार्टी (रास्वपा) उपसभापति डिपी अर्यालले पार्टीको प्रशिक्षण र संगठन विभागका गतिविधि कमजोर भएको स्वीकार गर्दै अबका दिनमा…
  • प्रतिभा माविको विद्यार्थी स्वागत

    आदर्श समाज सम्वाददाता श्रावण ८, २०८१
    पोखरा । पोखरा स्वास्थ्य विज्ञान प्रतिष्ठानका पूर्व उपकुलपति डा. बुद्धिबहादुर थापाले कुनै पनि विषयको अध्ययनमा हिम्मत नहार्न विद्यार्थीलाई सुझाएका छन्…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • बागमतीको मुख्यमन्त्रीमा लामा नियुक्त

    आदर्श समाज सम्वाददाता श्रावण ८, २०८१
    पोखरा । बागमती प्रदेशको मुख्यमन्त्रीमा बहादुरसिंह लामा नियुक्त भएका छन् । नुवाकोटका लामा प्रदेशको पाँचौं मुख्यमन्त्री हुन् । प्रदेश प्रमुख…

hero news full width