पोखरा । त्रिभुवन विश्वविद्यालयअन्तर्गत पृथ्वीनारायण क्याम्पस नेपाली शिक्षा विषयका उपप्राध्यापक विष्णुप्रसाद शर्माले विद्यावारिधि उपाधि प्राप्त गरेका छन् । शर्मालाई नेपाली भाषा कक्षामा सिकाइ सहजीकरण शीर्षकको विद्यावारिधि कार्यका लागि त्रिभुवन विश्वविद्यालय शिक्षाशास्त्र संकाय अनुसन्धान समितिको यही जेठ ४ गते बसेको बैठकले उक्त उपाधि प्रदान गर्ने निर्णय गरेको हो ।
शर्माले अनुसन्धानका क्रममा स्याङ्जा र कास्की जिल्लाअन्तर्गत माध्यमिक तहको नेपाली भाषा कक्षामा केन्द्रित रही सम्बन्धित शिक्षक, अभिभावक र विद्यार्थीसँग पुगेर अन्तर्वार्ता, लक्षित समूहसँग छलफल र कक्षा अवलोकन माध्यमबाट तथ्यांक संकलन र विश्लेषण गरी सिकाइ सहजीकरणका सैद्धान्तिक र व्यावहारिक पक्षको खोजी गरेका थिए ।
अध्ययनबाट योजनाबद्ध सिकाइ सहजीकरण नै सफल सिकाइको आधार हो भन्ने निष्कर्ष प्राप्त भएको शर्माको भनाइ छ । यसका लागि निरन्तररुपमा गरिने सिकारुमैत्री र सहभागितामूलक शैक्षणिक योजना निर्माण, सोहीअनुसार उद्देश्यको चयन, शैक्षणिक सामग्रीको निर्माण, विधिको उपयोग, अभिलेख निर्माण र त्यसको प्रयोगबाट गरिने सिकाइ सहजीकरण नै अर्थपूर्ण हुने तथ्यमा समेत जोड दिइएको छ ।
शर्माले यसअघि नै दर्शनाचार्य तहको अध्ययनका क्रममा नेपाली व्याकरण शिक्षणमा पाठ र सन्दर्भको उपयोग शीर्षकमा व्याकरण शिक्षणलाई सैद्धान्तिक र परिभाषा केन्द्रित विधिबाट नसिकाइ प्रयोग र अभ्यासद्वारा कार्यमूलक शैलीमा सिकाउन सकिने प्रस्ताव गरेका छन् । अली मियाँ लोक वाङ्मय पुरस्कार २०८० बाट सम्मानित शर्माका करिब ३ दर्जन अनुसन्धानमूलक लेख र १ दर्जन पुस्तकाकार कृति प्रकाशित छन् । त्यस्तै आधा दर्जन जति लघु अनुसन्धान सम्पन्न भएका छन् । शर्मा हाल सिर्जनशील लोकतान्त्रिक प्रतिष्ठान पोखराका अध्यक्ष पनि हुन् ।
Related News
सम्बन्धित समाचार
श्रीकृष्ण प्रणामीमा प्रवचन सुरु
गुरुङ सम्पदा पदमार्ग घोषणा
पोखरामा बोलबम पदयात्राको तयारी पूरा, साउनका चारै सोमबार हुने
विपद् व्यवस्थापनमा ३ तहका सरकार सँगसँगै
पोखरा महानगरको बजेट पारित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१