स्याङ्जाको चापाकोटमा सिर्जनशीलको कार्यक्रम

आदर्श समाज सम्वाददाता
जेठ १८, २०८१
sirjanshil (1)

पोखरा । सिर्जनशील लोकतान्त्रिक प्रतिष्ठान पोखरा र गण्डकी वाङ्मय प्रतिष्ठान स्याङ्जाको संयुक्त आयोजनामा मंगलबार स्याङ्जाको चापाकोटमा विविध कार्यक्रम भएको छ ।
कार्यक्रममा प्राडा शालिग्राम सुवेदीद्वारा प्रस्तुत अध्यात्म, धर्म र जीवन शीर्षकको छलफलपत्रमाथि अन्तरक्रियात्मक विचार गोष्ठीका साथै गण्डकी वाङ्मय दोस्रो अंकको लोकार्पण र विविध विधाका सिर्जना वाचन गरिएको थियो । कार्यक्रममा गुरुकुलका बटुकहरुले स्वस्ति वाचन गर्दा परिवेश रमणीय बन्यो ।

गोष्ठीमा पुतलीबजार प्रज्ञा प्रतिष्ठानका उपकुलपति विश्वप्रेम अधिकारी, चापाकोट नपाका प्रमुख ईश्वर खाँण, डा.योगराज पौडेल, डा. भूमिराज बस्ताकोटी, प्रहरी उपरीक्षक कमल गैरे, प्राडा गिरिधारि शर्मा, पब्लिक क्याम्पस प्राध्यापक संघका सल्लाहकार वेदहरि तिमिल्सिनाले सिर्जना वाचनका साथमा कार्यक्रमको सफलताका लागि शुभकामना दिए ।

यसैगरी कार्यक्रममा डा. श्रीधर न्यौपाने, टीकाराम वाग्ले, चन्द्रावती वाग्ले, नोलराज भण्डारी, आरती बस्याल, सुरज पौडेल, वसन्त चालिसे, कल्याण पन्त, इन्दु पौडेल सुवेदी, अञ्जना पौडेल, मित्रलाल गौतम, वसन्त पराजुली, दीपकमणि आचार्य, दिलीप खाँण लगायतका सिर्जना, जिज्ञासा र टिप्पणीले गोष्ठीलाई प्रभावकारी बनाएका थिए ।

कार्यक्रममा जगन्नाथ न्यौपानेको समूहले मिठो भजन प्रस्तुत गरेको थियो भने सहभागीहरु छमछम नाचेका थिए । चापाकोटमा उत्पादित विविध परिकारको मौलिक खानाले भिन्न स्वाद दिएको थियो भने स्थानीयहरुको टीका र फूूलमालासहितको आतिथ्यले कार्यक्रमलाई अविस्मरणीय बनाएको प्रतिक्रिया सहभागीको थियो ।

दुवै संस्थाका सचिव डा. भानुभक्त आचार्य र शिवलाल गैरेद्वारा सहजीकरण गरिएको कार्यक्रममा कार्यक्रमको औचित्यमाथि प्रकाश पार्ने कार्य गण्डकी वाङ्मय प्रतिष्ठानका अध्यक्ष डा वासुदेव भण्डारीले गरे ।

उक्त संस्थाका उपाध्यक्ष लेखनाथ बस्ताकोटीले धन्यवाद ज्ञापन गरे भने सिर्जनशील लोकतान्त्रिक प्रतिष्ठानका अध्यक्ष विष्णुप्रसाद शर्माले यस प्रकारका कार्यक्रमको निरन्तरताको शुभकामना दिँदै कार्यक्रमलाई समापन गरेका थिए ।

Related News

सम्बन्धित समाचार

  • पूर्व बैंकर सञ्जीवको ‘छोटु’ सार्वजनिक

    आदर्श समाज सम्वाददाता असार ३, २०८१
    चितवन । कृषि विकास बैंकका सञ्चालक समिति सदस्य सञ्जीव पौडेलको संस्मरणात्मक कृति ‘छोटु’ सार्वजनिक भएको छ । निर्वाचन आयोगका प्रमुख…
  • एसइई डान्स च्याम्पियनसिप उपाधि सृष्टिलाई

    आदर्श समाज सम्वाददाता जेठ २६, २०८१
    पोखरा । गण्डकी प्रदेशस्तरीय एसइई डान्स च्याम्पियनसिप उपाधि सृष्टि गुरुङले जितेकी छन् । यस्तै, प्रतिष्ठा कार्की दोस्रो र नीलकसना श्रेष्ठ…
  • सुमिनाको ‘बागी स्त्रीको आत्मकथा’ बारे परिचर्चा

    आदर्श समाज सम्वाददाता जेठ २६, २०८१
    पोखरा । र्‍यान्डम रिडर्स सोसाइटीले शनिबार सुमिनाको कविता सङ्ग्रह ‘बागी स्त्रीको आत्मकथा’ बारे परिचर्चा गरेको छ । पत्रकार रीना थापा…
  • पुतलीबजारमा साहित्यिक गोष्ठी

    आदर्श समाज सम्वाददाता जेठ २२, २०८१
    स्याङ्जा । पुतलीबजार प्रज्ञा प्रतिष्ठान स्याङ्जाले साहित्यिक गोष्ठी सम्पन्न गरेको छ । सो अवसरमा गण्डकी प्रदेशस्तरीय कविता प्रतियोगितासहित स्रष्टा सम्मान…
  • मौलिकता बिर्सेर बनाइयो नमूना गन्धर्वघर   

    आदर्श समाज सम्वाददाता जेठ १८, २०८१
    गण्डकी ।  कुनै समय घुमाउने (गोलो घर) नै लोपोन्मुख गन्धर्व जातिको परम्परागत बासथलो थियो । ढुङ्गा, माटो र काठले ती…

hero news full width