पोखरा ।  पोखरा–६, बैदामस्थित केदारेश्वर वैदिक गुरुकुल विद्याश्रमको प्रथम वार्षिकोत्सव तथा अभिभावक दिवस समारोह सुरु भएको छ ।

वार्षिकोत्सव कार्यक्रम उद्घाटन गर्दै पोखरा महानगर शिक्षा महाशाखा प्रमुख हेमप्रसाद आचार्यले संस्कारयुक्त शिक्षामा जोड दिँदै त्यसमा गुरुकुल विद्याश्रमको महŒवपूर्ण भूमिका रहने औँल्याए । उनले संस्कृत भाषा तथा व्याकरणको महŒव दिनप्रतिदिन बढ्दै गइरहेको चर्चासमेत गरे ।

पीठाधीश स्वामी चिद्धन चैतन्यले धर्म संस्कारको संरक्षण गर्नुपर्ने धारणा राख्दै संस्कृति रहे मात्रै मानव जीवन मूल्यवान् बन्ने स्पष्ट पारे ।

प्रधानाचार्य गणेश पौडेलले गुरुकुल सञ्चालनका अनुभव सुनाए । उनले विद्याश्रमअन्तर्गत हाल कक्षा ६ देखि १२ सम्म सञ्चालन रहेकोमा कुल ७५ विद्यार्थी अध्ययनरत रहेको जानकारी दिए ।

कार्यक्रममा विद्यार्थीहरूबीच ४ सदनमा क्रिकेट तथा भलिबल प्रतियोगिता भए । क्रिकेटतर्फ केदारनाथ सदनलाई हराउँदै पशुपति सदनले जित निकाल्यो । त्यस्तै भलिबलतर्फ पशुपति र केदारनाथ सदन विजयी भए ।

पीठाधीश स्वामी चिद्धनको अध्यक्षतामा भएको उक्त कार्यक्रममा शिक्षक दिव्यराज अधिकारीले स्वागत तथा विद्यार्थी अर्जुन खतिवडाले कार्यक्रम सञ्चालन गरेका थिए ।