कुमार बस्नेतलाई श्रष्टा सम्मान

आदर्श समाज सम्वाददाता
माघ २५, २०८०
kumar basnet

पोखरा । कल्याण शेरचन स्मृति प्रतिष्ठानले वरिष्ठ लोकगायक कुमार बस्नेतलाई श्रष्टा सम्मान अर्पण गरेको छ ।

कल्याण शेरचनको १३ औं स्मृति दिवस सन्दर्भ पारेर बुधबार आयोजित समारोहमा वरिष्ठ संस्कृतिविद् डा. जगमान गुरुङ, गण्डकी प्रज्ञा प्रतिष्ठानका कुलपति सूर्य खड्का ‘बिखर्ची’, वरिष्ठ लोकगायिका हरिदेवी कोइराला, प्रतिष्ठान अध्यक्ष क्या.पूर्णबहादुर गुरुङ ह्योल्मो, प्रतिष्ठान प्रमुख संरक्षक शर्मिला शेरचन, संरक्षक नरबहादुर शेरचन लगायतले ३३ हजार नगदसहित सम्मान अर्पण गरेका हुन् ।

चेतन कार्की नवप्रतिभा प्रोत्साहन सम्मान पुरस्कार राजन कार्कीलाई अर्पण ग¥यो । राष्ट्रिय लोक तथा दोहोरी गीत प्रतिष्ठान नेपाल गण्डकी अध्यक्ष कार्कीलाई नगद ११ हजारसहित पुरस्कृत गरिएको हो ।

सम्मानित बस्नेतले पोखरासँगको साइनो पुरानो भएको सुनाए । पोखरालाई सांस्कृतिक केन्द्र बनाउनुपर्छ भनी पहिलेदेखि नै आवाज उठाउँदै आएकोसमेत उनले खुलाए । डाँफे कलामन्दिरको प्रतिनिधित्व गरेर दार्जलिङ सिक्किममा गएर प्रस्तुति राख्दा पाएको तारिफ अझै ताजै रहेको उनले स्मरण गरे । बस्नेतका ‘उनकै छोरी तरुनी’, ‘कटर कटरमा’, ‘लैबरी लै’, ‘छोरी भन्दा आमा तरुनी’ लगायतका चर्चित गीत छन् ।

प्रमुख अतिथ डा.जगमान गुरुङले कल्याण शेरचनले अम्मरसिंह मावि पढ्दाका दिनको स्मरण गरे । शेरचन बहुमुखी प्रतिभाको व्यक्ति भएको भन्दै नाँच्न–गाउनमा मात्र नभएर खेलमा समेत अब्बल रहेको सुनाए ।

प्रतिष्ठान अध्यक्ष क्या.पूर्णबहादुर गुरुङ ह्योल्मोको अध्यक्षतामा भएको कार्यक्रममा गण्डकी प्रज्ञा प्रतिष्ठान कुलपति बिखर्ची, लोकगायिका हरिदेवी कोइराला, पोखरा प्रज्ञा प्रतिष्ठानका कुलपति पदमराज ढकाल, प्रतिष्ठान उपाध्यक्ष श्रीजंग गुरुङ, सचिव जीवन दाहाल लगायतले बोलेका थिए ।

कार्यक्रममा कलाकारले कल्याण शेरचनले सिर्जना गरेका गीतसमेत सुनाएका थिए ।

Related News

सम्बन्धित समाचार

  • आसामी साहित्यकार नीता सम्मानित

    आदर्श समाज सम्वाददाता फागुन १५, २०८०
    पोखरा । आसाम गोर्खा सम्मेलन कामरूपकी उपाध्यक्ष तथा अन्तर्राष्ट्रिय नेपाली साहित्य समाज भारत असाम गुवाहाटी शाखाकी सचिव नीता गुरुङ भाटिया…
  • हेमजा साहित्य प्रतिष्ठानमा स्रष्टा सम्मान

    आदर्श समाज सम्वाददाता फागुन १३, २०८०
    पोखरा । हेमजा साहित्य प्रतिष्ठान नेपालले अन्तर्राष्ट्रिय मातृभाषा दिवसको सन्दर्भ पारेर विविध कार्यक्रम सम्पन्न गरेको छ । संस्थाले शनिबार स्रष्टा…
  • गजल सन्ध्या पोखरामा मन क्षेत्री

    आदर्श समाज सम्वाददाता फागुन १३, २०८०
    पोखरा । नेपाली गजलको उन्नयन र विकासका लागि विभिन्न गतिविधि गर्दै आएको गजल सन्ध्या पोखरा नेपालको नयाँ नेतृत्व चयन भएको…
  • पोखरामा गुञ्जिए १२ भाषाका रचना

    आदर्श समाज सम्वाददाता फागुन १३, २०८०
    पोखरा । अन्तर्राष्ट्रिय मातृभाषा दिवसको अवसरमा पोखरामा शनिबार एक कार्यक्रमका बीच १२ मातृभाषामा रचना गुञ्जिएका छन् । सिर्जनशील लोकतान्त्रिक प्रतिष्ठान…
  • नारायण रायमाझीलाई अलीमियाँ सम्मान

    आदर्श समाज सम्वाददाता फागुन १२, २०८०
    पोखरा । अली मियाँ लोक वाङ्मय प्रतिष्ठानद्वारा स्थापित अलीमियाँ लोकवाङ्मय सम्मान पुरस्कार लोक गायक तथा संस्कृतिकर्मी नारायण रायमाझीलाई प्रदान गरिने…

hero news full width