पोखरा । हेमजा सिँचाइ प्रणाली जल उपभोक्ता संघ पोखरा २५ हेमजाको २४ औं वार्षिक साधारण सभा तथा १२औं अधिवेशनले झंकनाथ तिम्सिनाको अध्यक्षतामा नयाँ कार्य समिति चयन गरेको छ ।
समितिको उपाध्यक्ष पार्वती थापा, सचिव कृष्ण तिम्सिना र कोषाध्यक्ष मदनबहादुर थापा चयन भए । सदस्यहरू मनोहरी तिम्सिना, विश्वबन्धु थापा, पूर्णबहादुर कार्की, नारनबहादुर केसी, सम्झना थापा, दीननाथ तिम्सिना र देवी थापा रहेका छन् ।
पोखरा २५ का वडा सदस्य धनकुमारी पोखरेल तिम्सिनाको प्रमुख आतिथ्यतामा भएको कार्यक्रममा सल्लाहकार दानबहादुर थापा र उपभोक्ता मोतीराम तिम्सिनाले शुभकामना दिएका थिए । सचिव झंकनाथ तिम्सिनाले वार्षिक प्रगति प्रतिवेदन र कोषाध्यक्ष झबिलाल सापकोटाले पेस गरेको आर्थिक प्रतिवेदन सभाले पारित गरेको थियो ।
उपभोक्ता संघका अध्यक्ष दुर्गाप्रसाद तिम्सिनाको अध्यक्षतामा भएको कार्यक्रममा स्वागत उपाध्यक्ष पार्वती थापाले र सञ्चालन सचिव झंकनाथ तिम्सिनाले गरेका थिए ।