पोखरा । पोखरा १८ वडा कार्यालयले टोल विकास संस्थाको सुदृढीकरणमा जोड दिएको छ । वडा कार्यालयले टोल विकास संस्था वडाको आधारभूत इकाइ भएको स्पष्ट पार्दै त्यसको सबलीकरणमार्फत् मात्रै समग्र वडाको विकास हुने ठहर गर्दै टोल सुदृढीकरणमा जोड दिएको हो ।
जसअन्तर्गत वडा कार्यालयको आयोजना तथा पोखरा महानगर सामाजिक विकास महाशाखाको सहयोगमा मंगलबार टोल विकास संस्थाको संस्थागत विकास तथा टोल सुदृढीकरण कार्यक्रम सञ्चालन गरिएको हो ।
कार्यक्रम उद्घाटन गर्दै उपमेयर मञ्जुदेवी गुरुङले टोलको विकासमा जोड दिँदै त्यसका लागि सम्बन्धित टोलवासी नै जागरुक हुनुपर्ने औंल्याइन् । उपमेयर गुरुङले टोल, वडा, महानगर, प्रदेश हुँदै क्रमश देश विकास हुने जनाउँदै विकासमा खबरदारी गर्न सबै समक्ष आग्रह पनि गरिन् ।
पोखरा १८ का वडाध्यक्ष शिवप्रसाद तिमिल्सिनाले टोलमा बसेर नागरिकले धेरै कुरा गर्न सक्ने स्पष्ट पार्दै टोल विकासको पहिलो दायित्व टोलवासीकै भएको अंैँल्याए । पोखरा १७ की अध्यक्ष तथा महानगर सामाजिक महाशाखा संयोजक राधिका शाही योगीले सामाजिक महाशाखाको काम, कर्तव्य र बजेटबारे स्पष्ट पार्दै महानगरले टोलमार्फत नै नेतृत्व विकासमा ध्यान दिइरहेको बताइन् । वडा सदस्य कल्पना ढकाल क्षत्रीले भौतिक विकास मात्रै विकास नभएको धारणा राख्दै वडाले मानवीय विकासलाई पनि चासो दिँदै आएको बताइन् ।
कार्यक्रममा वडास्थित टोल विकास संस्थाका पदाधिकारी एवं महिला सदस्य, सराङकोटका विभिन्न आमा समूहका प्रतिनिधि साथै स्थानीयवासीको सहभागिता थियो । महानगरपालिकाका वडा नम्बर ५ का पूर्व धनबहादुर नेपालीले नेता र नेतृत्वमा हुनुपर्ने गुण साथै पोखरा १८ की वडा सचिव मीनाकुमारी पौडेलले टोल विकास संस्थाको काम, कर्तव्य र अधिकार सम्बन्धमा सहजीकरण गरे । उनीहरुले नेतृत्व गर्नेसँग दूरदर्शिता एवं धैर्यवान् हुनुपर्ने पनि औंल्याए ।
वडा सदस्य क्षत्रीको अध्यक्षतामा भएको उक्त कार्यक्रममा वडा सदस्य मीना नेपालीले स्वागत तथा कर्मचारी सुजता शर्मा ढकालले सञ्चालन गरेका थिए ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
hero news full width
मुख्य समाचार
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१