पोखरा । पोखरा–२५, हेमजाका वडा सदस्य कृष्णबहादुर कुँवरलाई पितृशोक परेको छ । उनका बुबा बलबहादुको आइतबार ८६ वर्षको उमेरमा निधन भएको हो । उनमा पछिल्लो समय फोक्सोको समस्या थियो । स्वः कुँवरको आइतबारै हेमजास्थित दोबिल्ला घाटमा अन्त्येष्टि गरिएकोमा छोरा विष्णु, प्रेम र विमलले दागबती दिए ।
कुँवरका १ श्रीमती, ४ छोराबुहारी, ५ नाति र ५ जना नातिनी छन् । जसमध्ये जेठा छोरा कृष्णबहादुर जनप्रतिनिधिलगायत अन्य थुपै संघसंस्थामा आबद्ध छन् । माइला विष्णु हेमजा बोर्डिङ स्कुलका सुपरभाइजर तथा खेल शिक्षक हुन् । त्यस्तै साइला प्रेमबहादुर गौरीशंकर माविमा शिक्षक तथा कान्छा विमल पृथ्वीनारायण क्याम्पसमा प्राध्यापनरत छन् । स्वः बलबहादुर तत्कालीन हेमजा गाउँ पञ्चायतका सदस्य हुन् ।