हरिहर गुफा बालाचतुर्दशी मेला

आदर्श समाज सम्वाददाता
मंसिर २६, २०८०
harihar gufa

पोखरा । पोखरा २० भलामस्थित हरिहर गुफामा सन्यास आश्रम परिसरमा सोमबार बाला चतुर्दशी मेला तथा सत्बीज छर्ने मेला सम्पन्न भएको छ । आश्रमका पीठाधीश स्वामी आत्मानन्द गिरीजी महाराजको सान्निध्यतामा भएको उक्त मेलामा स्थानीय हरिहर आमा समूहले नौमती बाजासहित तोरणको डोली भिœयाएको थियो ।

पोखरा–२० वडा कार्यालय, शृंखला युवा क्लब, महेन्द्र माविका स्काउट विद्याथीहरू लगायतको सहकार्य रहेको सो मेलामा विभिन्न समूहले भजन तथा नृत्य प्रस्तुत गरेका थिए । मेलामा अघिल्ला वर्षहरूमा भन्दा बढी दर्शकहरूको सहभागिता थियो । आयोजकलाई सवारी पार्किङ व्यवस्थापनमा समेत समस्या भएको थियो ।

यस्तै, पोखरा १९ घार्मीको मणिमा रहेको ओमकारेश्वर महादेव मन्दिर परिसरमा सत्बीज छरिएको मन्दिर व्यवस्थापन समितिका अध्यक्ष ढुण्डीराज पौडेलले जानकारी दिए । रुद्री पूजा सकेपछि मात्रै सद्बीज छर्ने धार्मिक परम्परा भए पनि बिहानै भक्तजनको भिड लागेको थियो । स्थानीय राम्चे निवासी हिमलाल पौडेलको घरबाट विधिपूर्वक पूजाआजा गरी निकालिएको फूलको डोली भजनकीर्तनसहित विभिन्न भागको परिक्रमा गरी मन्दिर परिसर पु¥याइएको थियो । सत्बीज छर्ने कार्य साँझ अबेरसम्म चलेको मन्दिरका पुजारी रामचन्द्र पौडेलले बताए ।

सत्बीज छर्न लामाचौर, बाटुलेचौर, हेमजा, अर्मला, कुरेचौर, हरिपाऊँ, पुरुञ्चौरलगायत क्षेत्रबाट भक्तजन आउने गरेको स्थानीय नमराज पौडेलले जानकारी दिए । विश्व हिन्दु महासंघ पोखरा १९ र भूमे मैदान भजन समूहले दिनभर भजनकीर्तन गरी सहभागी भक्तजनलाई मनोरञ्जन दिएका थिए ।

कश्यपधाममा सत्बीज

पोखरा २४ कास्कीकोटस्थित धार्मिक पर्यटकीय स्थल कश्यप तपोधाममा बालाचतुर्दशी पर्व मनाइएको छ । कश्यपधामको महाङ्कालेश्वर मन्दिर परिसरमा हजारौं भक्तजनको सहभागितामा सत्बीज छरी बालाचर्तुदशी मनाइएको गुप्तकाली कश्यप धार्मिक क्षेत्र विकास समितिका सचिव ठाकुरप्रसाद त्रिपाठीले जानकारी दिए ।

सो अवसरमा शिव ताण्डव नृत्य, भजन, नौमती बाजासमेत प्रदर्शन गरिएको थियो । सत्बीज छर्न कास्की, स्याङ्जा, पर्वत, तनहुँ, वागलुङलगायत जिल्लाबाट भक्तजनको सहभागिता रहेको स्थानीय तारापति सुवेदीले बताए ।

Related News

सम्बन्धित समाचार

  • पोखरामा तायाःमचा प्रतियोगिताको तयारी

    आदर्श समाज सम्वाददाता असार २२, २०८१
    पोखरा । नेवाः खल कास्कीको आह्वानमा तायाःमचा नृत्य प्रतियोगिताको तयारी सुरु गरिएको छ । शनिबरा नयाँबजारमा सचिवालय उद्घाटन गरी प्रतियोगिताको…
  • केदारेश्वर सेवाश्रममा फेरि चिद्घन चैतन्य

    आदर्श समाज सम्वाददाता असार ९, २०८१
    पोखरा । केदारेश्वर महादेव मणि सेवाश्रम समितिको १९ औं साधारणसभा तथा १० औं अधिवेशनले पीठाधीश चिद्घन चैतन्य महाराजको अध्यक्षतामा १५…
  • मनाइयो पहिलो दिनको बकर इद

    आदर्श समाज सम्वाददाता असार ३, २०८१
    पोखरा । मुस्लिम धर्मावलम्बीको दोस्रो महान पर्व बकर इद (इदुल जोहा) सोमबार देशभरका मस्जिदमा नमाज पाठ गरी हर्षोल्लासपूर्वक मनाइएको छ…
  • पोखरामा मनाइयो भुम्या पर्व

    आदर्श समाज सम्वाददाता असार २, २०८१
    पोखरा । गण्डकी प्रदेशसभाकी उपसभामुख विनाकुमारी थापाले भूम्या पर्वलाई राष्ट्रिय पर्वको मान्यता दिनुपर्ने बताएकी छन् । अठार मगरात क्षेत्रका मगर…
  • गैह्रापाटन नेवा समाजलाई लाखे नाचका सामग्री

    आदर्श समाज सम्वाददाता असार १, २०८१
    पोखरा । पोखरा महानगर पालिका वडा नम्बर ९ ले गैह्रापाटन नेवाः समाजलाई लाखे नाचको लागि आवश्यक सामग्री प्रदान गरेको छ…

hero news full width