rhdr
दुलेगौंडा । रिच फर नेपालले शुक्लागण्डकी १२, बराहडाँडास्थित बराहडाँडा प्राविको भवन निर्माण गरेको छ ।
भवन निर्माणसँगै, शौचालय, पिउनेपानीका लागि फिल्टर गर्ने मेसिन र स्थानीयलाई बोर जातको बाख्रा समेत प्रदान गरेको छ । भूकम्प र हावाहुरीले भत्काएको विद्यालय परिसरमा ४ वटा कोठा थपिसँगै अध्ययन अध्यापनमा सहज भएको छ । करिब ५० लाख लागतमा चारकोठे भवन, १ लाख १० हजार लागतमा शौचालय निर्माण गरिएको रिच फर नेपालका निर्देशक लक्षु थापाले जानकारी दिए । रिच फर नेपालका लागि अस्ट्रेलियाबाट आएका डेढ दर्जन अस्ट्रेलियन आफैंले भवन र शौचालय बनाएका हुन् । उनका अनुसार विपन्न परिवारको आम्दानीमा टेवा पुर्याउने उद्देश्यले बराहडाँडाका ४ परिवारलाई ८ वटा बाख्रा प्रदान गरिएको छ ।
बिहीबार विद्यालय परिसरमा आयोजित कार्यक्रममा रिच फर नेपालका प्रतिनिधिलाई ढाकाको टोपी र माला लगाएर बिदाइ गरियो । बराहडाँडा टोल विकासले आयोजना गरेको कार्यक्रममा रिच फर नेपालका निर्देशक लु नलीले विद्यालय र स्थानीयलाई सहयोग गर्न पाउँदा खुसी लागेको बताउँदै आगामी दिनमा पनि सहकार्य गर्दै जाने उल्लेख गरे ।
पूर्व विद्यार्थी समेत रहेका पोखरा रोयल सहकारीका कार्यकारी निर्देशक भीम गुरुङले भूकम्प र हावाहुरीले भत्काएको भवन बनाउन विभिन्न संस्थामा पुगेको स्मरण गरे । कक्षा ५ सम्म हाल सो विद्यालयमा २१ विद्यार्थी पढ्छन् । बराहडाँडा टोल विकास संस्था अध्यक्ष जमानसिं गुरुङले आगामी दिनमा पनि सहकार्यमा आफूहरु तयार रहेको बताए ।
स्थानीय समेत रहेका पर्यटन व्यवसायी हर्क गुरुङको पहलमा रिच फर नेपालले विद्यालयलाई सहयोग गरेको हो । गुरुङका अनुसार रिच फर नेपालले वडा १२ को घरेडीमा रहेका नवज्योती प्राविमा र रातमाटामा रहेको अमरज्योति प्राविमा २÷२ कोठे भवन निर्माण गरिसकेको छ । सन् २०१५ देखि नेपालमा काम गर्न थालेको रिच फर नेपालले तनहुँसँगै गोरखा, स्याङ्जा र कास्कीमा विद्यालयका पूर्वाधार निर्माणमा सहयोगी हुँदै आएको छ ।
Related News
सम्बन्धित समाचार
श्रीकृष्ण प्रणामीमा प्रवचन सुरु
गुरुङ सम्पदा पदमार्ग घोषणा
पोखरामा बोलबम पदयात्राको तयारी पूरा, साउनका चारै सोमबार हुने
विपद् व्यवस्थापनमा ३ तहका सरकार सँगसँगै
पोखरा महानगरको बजेट पारित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१