पोखरा । गण्डकी प्रदेश प्रशिक्षण प्रतिष्ठान आयोजनामा संघ, प्रदेश र स्थानीय तहमा कार्यरत सहायकस्तरका कर्मचारीको सातौं ब्याचको सेवाकालीन तालिम सोमबार सुरु भएको छ ।
२ समूहमा आयोजित तालिममा सहायकस्तर चौंथो तहका ३० र पाँचौं तहका ३० गरी ६० जना कर्मचारीको सहभागिता छ ।
३० कार्य दिनसम्म चल्ने तालिममा कार्यालय सञ्चालन तथा व्यवस्थापन, आर्थिक प्रशासन तथा वित्त व्यवस्थापन, सार्वजनिक सेवा प्रवाह र सुशासन, कार्यसम्पादन व्यवस्थापन तथा कार्यक्षमता, व्यक्तित्व विकास, सूचना तथा सञ्चार प्रविधि, विकास व्यवस्थापन, स्थानीय तह सञ्चालन र व्यवस्थापन जस्ता विषयमा विस्तृत रुपमा प्रशिक्षण हुनेछ ।
प्रदेश सरकारका नि. प्रमुख सचिव विनोदबहादुर कुँवरले तालिम उद्घाटन गर्दै सरकारको मुहार कर्मचारीको काममा देखिने भन्दै कर्मचारीलाई उच्चस्तरको कार्यसम्पादन गर्न सुझाव दिए ।
प्रशासनिक संघीयताले विस्तारै आफ्नो स्वरुप ग्रहण गरिरहेको धारणा व्यक्त गर्दै उनले उच्च मनोबल साथ कर्मचारीले काम गर्नुपर्ने धारणा ब्यक्त गरे । प्रदेश र स्थानीय तहमा निर्वाचित पदाधिकारी र कार्यरत कर्मचारीको क्षमता विकासका क्षेत्रमा प्रतिष्ठानले पुर्याएको योगदानको प्रशंसा गर्दै कुँवरले तालिमले कार्यक्षमता अभिवृद्धि र व्यक्तित्व विकासमा योगदान गर्नुपर्ने विचार व्यक्त गरे ।
प्रतिष्ठानका कार्यकारी निर्देशक ऋषिराम पाण्डेले प्रतिष्ठानले प्रदेश र स्थानीय तहका जनप्रतिनिधि र कर्मचारीको क्षमता विकास, स्थानीय तहको शासकीय क्षमता अभिवृद्धि, अध्ययन तथा अनुसन्धान, समसामयिक विषयमा संवाद र नीतिगत पृष्ठपोषण एवं ज्ञान व्यवस्थापनका क्षेत्रमा काम गरिरहेको जनाए ।
करिब ४ वर्षमा प्रतिष्ठानले १६ हजारभन्दा बढी जनप्रतिनिधि र कर्मचारीमा आफ्नो सेवा पुर्याएको उनले बताए । उनले गण्डकी प्रदेशको सन्दर्भमा अन्तरसरकारी सम्बन्धसम्बन्धी अध्ययन, प्रदेशका स्थानीय तहमा स्थानीय आर्थिक विकासको अवस्था र सम्भावनाबारे अध्ययन गरी सोका प्रतिवेदन प्रकाशन गरिसकेको छ । साथै आधारभूत कार्यसञ्चालन कार्यविधि निर्माण गरी क्षमता विकासलाई फरक धारबाट अगाडि बढाउने कार्यको थालनी गरेको प्रतिष्ठानले जनाएको छ ।
Related News
सम्बन्धित समाचार
श्रीकृष्ण प्रणामीमा प्रवचन सुरु
गुरुङ सम्पदा पदमार्ग घोषणा
पोखरामा बोलबम पदयात्राको तयारी पूरा, साउनका चारै सोमबार हुने
विपद् व्यवस्थापनमा ३ तहका सरकार सँगसँगै
पोखरा महानगरको बजेट पारित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१