काठमाडौं । मुक्तककार प्रतिमा केसी ‘प्रवासी’ बेलायतमा साधनारत छन् । पर्वको छेको पारेर उनी नेपाल आइन् । आफन्त र साथीभाइका लागि कोसेली त पक्के ल्याइन्, त्यो भन्दा ठूलो मुक्तक पारखीका लागि उनले कृति बोकेर आइन् । नेपालमै जन्मे हुर्के पनि कामका सिलसिलामा उनी परदेशमा बस्छिन् । आखिर नेपाली मन न हो, यहाँको माटोको सुगन्धले उनलाई पछ्याइरह्यो । मनमा अनेक भावना उद्वेलित भए । तिनै भावनालाई उनले मुक्तकाकार दिइन् । तिनै मुक्तकको संगालेर प्रतिमा घरदेश फर्किइन् ।
केसीद्वारा लिखित १ हजार १ सय १२ मुक्तक समेटिएको मुक्तक कृति ‘प्रवासी मन’ मंसिर ५ गते मंगलबार नेपाल प्रज्ञा प्रतिष्ठानको प्रेक्षालयमा लोकार्पण गरियो ।
प्रज्ञाकोे लेखनाथ कक्षमा खचाखच भरिएका साहित्यकार तथा आफन्तजनबीच आयोजित कार्यक्रममा वरिष्ठ साहित्यकार उषा शेरचनले कृति लोकार्पण गरिन् ।
नेपाल मुक्तक प्रतिष्ठान बेलायतले प्रकाशन गरेको उक्त कृतिमा केसीले करिब एक दशकको अवधिमा सिर्जना गरेका मुक्तक समेटिएको छ ।
प्रमुख अतिथि उषा शेरचनले यो कृति मुक्तकको एउटा महाग्रन्थ भएको र यसका सर्जक नेपाली भावना बोकेकी एउटा सशक्त डायस्पोरिक नारी हस्ताक्षर भएको बताइन् । बेलायतमा बसोबास गर्ने साहित्यकार प्रतिमा प्रवासीले नेपाली मुक्तक साहित्यमा बेजोड कृति पस्केर एउटा फरक पहिचान स्थापित गरेको चर्चा गरिन् ।
नेपाल मुक्तक प्रतिष्ठान बेलायतका सल्लाहकार तथा प्रवासी मन कृतिका भूमिका समेत लेखेका डा. रुपक श्रेष्ठले मुक्तककार प्रतिमा केसी ‘प्रवासी’ को व्यक्तित्व र कृतित्व बारेमा चर्चा गरे । यसमा संग्रहित सबै मुक्तकहरू आफूले पढेको र ती सबै अत्यन्तै स्तरीय र पठनीय रहेको डा. श्रेष्ठको भनाइ थियो । नेपाल मुक्तक प्रतिष्ठान बेलायतले प्रकाशन गरेको सरुभक्तका मुक्तक संग्रह पोखरामा यसै साता लोकार्पण गरिएको छ ।
प्रतिमासँग अझै पनि हजारौं मुक्तक रहेको भन्दै डा. श्रेष्ठले अंग्रेजीमा आफ्नो जन्म गते र महिनालाई (११ डिसेम्बर) बुझाउने सांकेतिक अर्थमा १११२ मुक्तक समावेश गरेको प्रस्ट्याए ।
साहित्यकार तथा पुस्तकका समीक्षक ज्ञानु अधिकारीले नाम प्रवासी मन राखिए पनि यसले घरदेशको राजनीतिक अवस्था, सामाजिक चेतना, नारीका वेदना, परदेश रहँदा घरदेशको सम्झना, गाउँघरको याद, आध्यात्म चेत, सिंगो जीवन र जगतको विषय बोलेको एउटा संग्रहनीय कृति रहेको चर्चा गरिन् ।
कृतिका सर्जक प्रतिमा केसी प्रवासीले परिवारजनको हौसला, मुक्तक प्रेमीहरूको साहित्यिक संगत र मेरो आफ्नो निरन्तरको लगनले दोस्रो कृतिको जन्म सम्भव भएको बताइन । लोकार्पणकै क्रममा उनले संग्रहबाट रोज्जा मुक्तकहरू वाचन गरिन् । उनले आयोजक, भूमिका लेखक, शुभकामना लेखक, अग्रज साहित्यिकारहरू र उपस्थित आफन्तजनलाई धन्यवाद् व्यक्त गरिन् ।
कार्यक्रममा साहित्यकार तथा कलाकार रमेश पौडेलले यस कृतिको सम्पादन गर्ने क्रममा सम्पूर्ण मुक्तकहरू आफूले पढेको र यसले पोखरा घोषणालाई आत्मसात् गरेको बताए । २०७० मा जारी पोखरा घोषणपत्रमा मुक्तक चतुष्पदीय हुने उल्लेख छ ।
जसरी एउटा सफल पुरुषको सफलतामा नारीको ठूलो भूमिका हुन्छ त्यस्तै यो कृतिले पुस्तकाकार पाउनुमा प्रतिमा प्रवासीको जीवनसाथी कुमार केसीको ठूलो भूमिका रहेको पौडेलको भनाइ थियो । प्रतिष्ठानका पूर्वमहासचिव समेत रहेका पौडेलले नेपाल मुक्तक प्रतिष्ठान अब सानो गोरेटोबाट राजमार्ग भइसकेको यसमा हजारौं मुक्तककारहरूले यात्रा गर्ने तर मुक्तक लेखनको गुणस्तरबारे निकै सचेत हुनुपर्ने बताए ।
कार्यक्रममा हातेमालो संगमका अध्यक्ष सुनिल अधिकारीले विमोचित कृतिका केही थान मुक्तकहरू वाचन गर्दै कृतिले नेपाली मुक्तकको क्षेत्रमा सुनौलो आयाम थप्ने कुरा बताए ।
रहरको सहर यो मनबाट सपनाहरु खसेपछि
एक एक यादहरु हृदयमा सूल बनेर पसेपछि
विष नभए पनि लाग्छ सर्पले जस्तै मार्छ फेरि
खुसी आफै भाग्दो रहेछ आँसुमा लत बसेपछि ।
कार्यक्रमको अन्त्यमा अध्यक्ष रामकाजी कोनेले प्रवासीको प्रवासी मनको संक्षिप्त चर्चा गर्दै कृति सफलताको मुक्तकिलो बधाई तथा शुभकामना व्यक्त गरे । उनले नेपाल मुक्तक प्रतिष्ठान र सर्जकको निमन्त्रणामा उपस्थित सम्पूर्ण सहभागीहरूलाई धन्यवाद ज्ञापन गरेका थिए । फोटोमा मुक्तकका अभियन्ता तथा हातेमालो साहित्य संगमका अध्यक्ष सुनिल अधिकारीले कृतिको विविध पक्ष बारेमा चर्चा गरेका थिए । नेपाल मुक्तक प्रतिष्ठानका महासचिव यादव भट्टराईको सञ्चालन र प्रतिष्ठानका सदस्य राधेश्याम लेकालीले स्वागत मन्तव्य राखेका थिए ।
Related News
सम्बन्धित समाचार
हेमजा साहित्य प्रतिष्ठानद्वारा सम्मान
मदन पुरस्कारका लागि ५ पुस्तक छनोट
कुलपति हुँदाको बैठक भत्ता भानु वाङमय अक्षयकोषलाई दिए पदमराजले
साझा भाषा नेपाली बनाउन भानुभक्तको योगदान
नानुमैया दाहालको मुक्तक संग्रह लोकार्पण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१