उल्लेरीको थाप्ले सिद्धमा पूजा

आदर्श समाज सम्वाददाता
कार्तिक ११, २०८०
Siddha baba

पोखरा । कोजाग्रत पूर्णिमाको अवसरमा पोखरा–२२ उल्लेरीको थाप्लेडाँडास्थित सिद्धबाबा मन्दिरमा पूजा गरिएको छ । उक्त मन्दिरमा जेठको चण्डी पूर्णिमा र दसैंको कोजाग्रत पूर्णिमामा गरी २ पटक परम्परागत रुपमा पूजा हुँदै आएको छ ।

पछिल्लो समय उक्त स्थानमा बौद्ध स्तूप निर्माण भएपछि गत ३ वर्षदेखि सिद्धबाबाको साथै स्तूपमा पनि पूजा हुने गरेको पूजारी प्रेम शर्मा पौडेलले जानकारी दिए । रोगव्याधी नलागोस्, दैवी विपत्ति नपरोस्, अन्नबाली, पशुचौपायको संरक्षण होस् भन्ने कामनाका साथ सिद्धपूजा हुने गरेको उनले बताए ।

थाप्लेमा पहिले सिद्ध तपसीले तपस्या गरेको स्थल भएको हुँदा उक्त स्थानको दर्शन मात्रले पनि मनोकांक्षा पूरा हुने तथा आँटे ताकेको काम पूरा हुने जनविश्वास छ । उक्त स्थानको विकासको लागि सिद्धबाबा थाप्ले टाइगर हिल धार्मिक तथा पर्यटन विकास समिति गठन भएपछि थाप्लेमा विभिन्न निर्माणका कामहरु भएका छन् ।

समितिबाट उक्त स्थानमा मचान (टावर), स्तूप, पौवा, भान्सा, शौचालय तथा उल्लेरीदेखि सिँढी निर्माण गरिएको अध्यक्ष मनबहादुर गुरुङ (मनसिंग) ले बताए ।
प्रसिद्ध धार्मिक स्थल सिद्धबाबाको भव्य मन्दिर बनाउने समितिको सोच रहेको कोषाध्यक्ष गौरीप्रसाद गुरुङले जानकारी दिए ।

पोखराबाट सिद्धार्थ राजमार्गको १५ किलोमिटर दूरीमा रहेको कुभिण्डे भञ्ज्याङदेखि ३ किलोमिटर उत्तरतर्फको यात्रापछि पर्यटकीय गाउँ उल्लेरी पुगिन्छ । उल्लेरीबाट एक घन्टा पदयात्रा गरेपछि सिद्धबाबा थाप्ले पुग्न सकिन्छ ।

Related News

सम्बन्धित समाचार

  • पोखरामा तायाःमचा प्रतियोगिताको तयारी

    आदर्श समाज सम्वाददाता असार २२, २०८१
    पोखरा । नेवाः खल कास्कीको आह्वानमा तायाःमचा नृत्य प्रतियोगिताको तयारी सुरु गरिएको छ । शनिबरा नयाँबजारमा सचिवालय उद्घाटन गरी प्रतियोगिताको…
  • केदारेश्वर सेवाश्रममा फेरि चिद्घन चैतन्य

    आदर्श समाज सम्वाददाता असार ९, २०८१
    पोखरा । केदारेश्वर महादेव मणि सेवाश्रम समितिको १९ औं साधारणसभा तथा १० औं अधिवेशनले पीठाधीश चिद्घन चैतन्य महाराजको अध्यक्षतामा १५…
  • मनाइयो पहिलो दिनको बकर इद

    आदर्श समाज सम्वाददाता असार ३, २०८१
    पोखरा । मुस्लिम धर्मावलम्बीको दोस्रो महान पर्व बकर इद (इदुल जोहा) सोमबार देशभरका मस्जिदमा नमाज पाठ गरी हर्षोल्लासपूर्वक मनाइएको छ…
  • पोखरामा मनाइयो भुम्या पर्व

    आदर्श समाज सम्वाददाता असार २, २०८१
    पोखरा । गण्डकी प्रदेशसभाकी उपसभामुख विनाकुमारी थापाले भूम्या पर्वलाई राष्ट्रिय पर्वको मान्यता दिनुपर्ने बताएकी छन् । अठार मगरात क्षेत्रका मगर…
  • गैह्रापाटन नेवा समाजलाई लाखे नाचका सामग्री

    आदर्श समाज सम्वाददाता असार १, २०८१
    पोखरा । पोखरा महानगर पालिका वडा नम्बर ९ ले गैह्रापाटन नेवाः समाजलाई लाखे नाचको लागि आवश्यक सामग्री प्रदान गरेको छ…

hero news full width