पोखरा । कुँडहर बचत तथा ऋण सहकारी संस्था लि.को १५ औं वार्षिक साधारण सभा तथा छैटौं अधिवेशनले विश्वबन्धु थापाको अध्यक्षतामा नयाँ सञ्चालक समिति चयन गरेको छ ।

समिति उपाध्यक्षमा शिवबहादुर बराल, सचिव सुरेन्द्रविनोद खनाल, सहसचिव दया बराल र कोषाध्यक्ष राजेन्द्र वाग्ले छन् । सदस्यमा आनन्दी राणा, गौतम थापा, ईश्वर श्रेष्ठ, नवीनजंग थापा, दुर्गादत्त भूर्तेल, पार्वती पोख्रेल छन् । लेखा समिति संयोजकमा शुक्रराज अधिकारी, सदस्यमा नारायणप्रसाद अधिकारी र देवकी रायमाझी चयन भए ।

यसअघि साधारण सभाले अध्यक्ष विश्वबन्धु थापा, कोषाध्यक्ष शुक्रराज अधिकारी, लेखा समिति संयोजक राजेन्द्र वाग्लेले प्रस्तुत गर्नुभएको प्रतिवेदन पारित गरेको थियो ।
साधारणसभा उद्घाटन गर्दै पोखरा महानगरपालिका सहकारी शाखा अध्यक्ष रविरमण तिवारीले सहकारीले सहकार्य र सामूहिकतामा विश्वास गर्नुपर्ने उल्लेख गरे । सहकारीका बेग्लाबेग्लै उद्देश्य छन् तर बचतलाई मात्रै प्राथमिकता दिइएको उनको भनाइ छ ।

जिल्ला सहकारी संघ लेखा सुपरिवेक्षण समिति कास्की सदस्य विमला थापा बस्नेतले सहकारीको विकासका लागि सेयर सदस्यको भूमिका महत्वपूर्ण रहने बताइन् । त्यस अवसरमा ज्येष्ठ सेयर सदस्य बलराम गुरुङ, मैना ओझा र उत्कृष्ट बचतकर्ता सुरेन्द्रविनोद खनाललाई सम्मान गरिएको थियो ।

त्यस्तै, उत्कृष्ट कर्जातर्फ सेयर सदस्य चिनबहादुर थापालाई सम्मान गरिएको छ । जेहेनदार विद्यार्थी निपूर्ण अधिकारीलाई ७ हजार ५ सय छात्रवृत्ति प्रदान गरिएको छ । सहकारी अध्यक्ष विश्वबन्धु थापाको अध्यक्षतामा भएको कार्यक्रममा उपाध्यक्ष शिवबहादुर बरालले स्वागत, सहसचिव दया बरालले सहकारीका ७ सिद्वान्त वाचन र सचिव सुरेन्द्रविनोद खनालले सञ्चालन गरेका थिए ।